Юрий Михайлович ханнык саҥа сокуоннар ылыныллыбыттарын, туох уларыйыы киирбитин, ол дьон олоҕор хайдах дьайарын, бүддьүөппүт кээмэйин, куорат баһылыгын талыы бэрээдэгин туһунан саас-сааһынан кэпсээтэ.
Ил Түмэн сэттис ыҥырыыта ааспыт сылга 6 пленарнай мунньаҕы, 3 парламент истиитин, 3 публичнай истиини, 25 бырабыыталыстыба чааһын, 34 төгүрүк остуолу, 1 муниципальнай чааһы тэрийэн ыытта. Ол түмүгүнэн 293 быраап-нуорма аактата, 113 сокуон, 180 уураах ылыныллыбыт. Федеральнай сокуоҥҥа уларыйыы киирдэҕинэ ыйыллыбыт болдьох иһигэр өрөспүүбүлүкэ сокуонун онно сөп түбэһиннэрэн биэриэхтээхтэр. Ону таһынан, өрөспүүбүлүкэ сокуонун федеральнай киин уларытар кыаҕа суох сокуоннара эмиэ бааллар.
Сокуон барылын улахан аҥаарын норуот дьокутааттара, олохтоох бырабыыталыстыба, Ил Дархан бэлэмнээн киллэрэллэр. Саамай элбэх сокуон судаарыстыбаны салайыыга, экэниэмикэни сайыннарарга, бүддьүөккэ, түһээҥҥэ, тыа хаһаайыстыбатыгар, айылҕаны туһаныыга, сир сыһыаннаһыыларыгар тахсыбыт.
Салгыытын сиһилии "Ил Түмэн" хаһыакка ааҕыҥ.
Мичил Яковлев, ХИФУ хаартыскаҕа түһэриитэ.
-
0
-
0
-
0
-
0
-
0
-
0
