«Ороскуот элбииригэр хамнас алын кээмэйэ 20,7% эбиллибитэ дьайар, бары тэрилтэлэргэ хамнас пуондата улаатар. Хамнас алын кээмэйин кытта социальнай төлөбүрдэр үрдүүллэр. Бастатан туран, бары социальнай төлөбүрү кэмигэр уонна толору ыытыахтаахпыт.
Анал байыаннай дьайыы кыттыылаахтарыгар, кинилэр дьиэ кэргэттэригэр оҥоһуллар төлөбүр 2024 с. 5 млрд. солк. этэ, онтон 2025 с. быһа холоон 12 млрд. солк. диэри икки төгүл улаатта. Атын хайысхаттан харчыны устан, сыл бүтүүтэ бары төлөбүр толору кээмэйин 100% ыыппыттара. Онон АБДь хайысхатынан оҥоһуллуохтаах төлөбүр төлөнөн иһэрин ситиһэбит.
Дохуот аҥаардастыы үрдүү-үллэ турбат, тэрилтэлэр сааҥсыйаҕа түбэһэн олороллор, дойдуга ньиэби хостуубут эрээри, Ираҥҥа буола турар быһылаантан кыайан тиэйбэккэ олоробут, ол иһин курбутун тардыныахпытын наада», — диэн быһаарда Ил Түмэн бэрэссэдээтэлин солбуйааччы, бүддьүөккэ, үпкэ-харчыга, түһээҥҥэ уонна сыана бэлиитикэтигэр, бас билии, приватизация боппуруостарыгар сис кэмитиэт бэрэссэдээтэлэ Юрий Николаев.
Хаартыска Мария Васильева, СИА.
-
0
-
0
-
0
-
0
-
0
-
0
