Дьокуускай — Аллараа Бэстээх хайысханан билигин 30 туоннаҕа диэри көҥүллэнэр буоллаҕына, муус устар 8 күнүттэн 20 туоннаҕа диэри түһүөҕэ.
Хатас — Павловскай икки ардыгар билигин 40 туоннаҕа диэри сырыы үлэлиир.
Кангалаас — Суотту өрүһүнэн суол 30 туоннаҕа диэри уйуктаах.
ххх
СӨ Тырааныспар уонна суол хаһаайыстыбатын министиэристибэтэ ый саҕаланыаҕытан мууһунан туоруур сирдэргэ уонна кыһыҥҥы суолларга таһаҕас ыйааһынан көрөн аччатыы оҥоһулларын ыйан туран, киин улуустарга мууһунан туоруур сирдэринэн уонна кыһыҥҥы суолларынан сырыы муус устар 15 күнүттэн бүтүннүү тохтотулларын биллэрэр. Бу күнтэн тырааныспар бары көрүҥүнэн айанныыр бобуллар. Аартыка уонна хотугу улуустарга мууһунан сырыы муус устар 20-25 күннэригэр түмүктэниэхтээх.
Бобуу болдьохторо барыллаан туруоруллаллар, чуолкай болдьоҕо күнтэн-дьылтан тутулуктаах. Көҥүллэнэр ноҕоруусканы уонна сабыллар болдьоҕу хамыыһыйа миэстэтигэр гидрометеорологическай дааннайдарга олоҕуран быһаарар, ылынар.
Таһаҕас тиэйээччилэр, олохтоох салайыныы уорганнара уонна дьон олоҕун хааччыйар сулууспалар таһаҕаһы кэмигэр тиэрдэри хааччыйыахтаахтар, таһаҕас ыйааһына кыра буолуохтааҕын учуоттуохтаахтар.
Суолу туоруур сирдэр туруктарын, хааччахтары киллэрии, араспысаанньа уларыйыытын туһунан наадалаах информация МАХ-ха СӨ Тырааныспарга министиэристибэтин официальнай ханаалыгар суһаллык тахсан иһиэхтэрэ диэн иһитиннэрэллэр.
Хаартыска: эрэдээксийэ архыыбыттан
-
1
-
0
-
0
-
0
-
0
-
0
