СӨ Бырабыыталыстыбатын бэрэссэдээтэлин бастакы солбуйааччыта Георгий Степанов дьон чахчы үбү-харчыны кыайан сөпкө туттубат буолан, дьадайыы боруогар үктэнэрин кытта сөбүлэһэрин биллэрдэ. Ол иһин СӨ Үбүн министиэристибэтэ нэһилиэнньэ үбү-харчыны сатаан туттар буоларын туһугар дьон билиитин таһымын үрдэтэр бырайыагы ыытарын туһунан иһитиннэрдэ.
Ил Түмэн доруобуйа харыстабылыгар сис кэмитиэтин бэрэссэдээтэлэ Светлана Давыдова дьадайыы дьон доруобуйатыгар хайдах дьайарын туоһуласта. Инбэлииттэр харчыларынан быстарбаттарын туһугар туох үлэ ыытылларын ыйыталаста.
Биллэн турар, харчыга ыктарбыт киһи ыгылыйан, истириэскэ киирэн, санаарҕаан, доруобуйатыгар эмиэ оҕустарар. Доруобай, чөл туруктаах киһи үлэлээн, айаҕын ииттэр кыахтанар, ол иһин дьон доруобуйатын харыстыырга, успуордунан дьарыктанарга судаарыстыба көхтөөх бэлиитикэни ыытар.
Хаартыска Анна Лебединская, СИА.
-
0
-
0
-
0
-
0
-
0
-
1
