Куоракка нэһилиэнньэ 70% олорор, чуолаан ыам ыйынааҕы ыйаахха киирбэтэх, алын хамнаһы ылар бүддьүөт үлэһиттэрэ тиийиммэт буолууга оҕустараллар, ол сүрүн төрүөтэ хамнас үрдээбэт. Судаарыстыбаннай тэрилтэҕэ үлэлиир 57 000 киһи хамнас алын кээмэйин ылаллар, кинилэртэн 34 000 үрдүк квалификациялаах үлэһиттэр дьиэ сууйааччыттан кыра хамнастаахтар.
«Бырабыыталыстыба дохуоппутун баһаары умуруорар курдук хомунаалынай хаһаайыстыбаны субсидиялыырга ыытар, тарыып, инфляция, сыана үрдүү турар, оттон хамнас ону кыайан сиппэт. Ол иһин дьон дьадайыыга тиийэр, ону тохтоторго «прочие» («атыттар») дэнэр бүддьүөт үлэһиттэрин хамнаһа үрдүөн наада», — диэн Ил Түмэн бэрэссэдээтэлэ бэлиэтээтэ. Күн бүгүн кинилэр хамнастара хамнас алын кээмэйэ үрдээтэҕинэ биирдэ үрдүүр.
Түмүккэ Алексей Еремеев бу сытыы кыһалҕаны СӨ Бырабыыталыстыбатын бэрэссэдээтэлэ Кирилл Бычков болҕомтоҕо ыларыгар туһаайан эттэ.
Мунньахха этиллибит этии салгыҥҥа ыйанан хаалбакка, үгэс быһыытынан бүддьүөккэ үп суоҕуттан иҥнибэккэ, дьиэ сууйааччы үөрэхтээх дьонтон үрдүк, эбэтэр тэҥ хамнаһы ыларын сааһылыахтара, ыам ыйынааҕы ыйаахха киирбэтэх үлэһиттэр хамнастарын биллэрдик үрдэтиэхтэрэ диэн эрэниэҕи баҕарыллар.
Өрөспүүбүлүкэ алмааһы, көмүһү, таас чоҕу, гааһы-ньиэби туһаҕа таһаарарга дойду үрдүнэн инники күөҥҥэ сылдьар эрээри, олохтоох нэһилиэнньэ дьадаҥытык олороро кыбыстыылаах түгэн.
Ааптар хаартыскаҕа түһэриитэ.
-
0
-
0
-
0
-
0
-
0
-
1
