Кинилэр устуоруйаларын истэн баран ИТ-пааркаҕа булгуччу тиэхиньиичэскэй үөрэхтээх, көмпүүтэр куодунан бырагыраамалары сатаан суруйар, математиканы-информатиканы уһулуччу баһылаабыт эдэр дьон үлэлииллэр диэн өйдөбүл төрдүттэн уларыйда. Саҥа идэҕэ барыахпын хойутаатым, сааһым ыраатта, гуманитарнай үөрэхтээхпин диэн олорон хаалар сыыһа эбит.
Data Science, ML, AI, графическай дизайн, сыыппара маркетина, HR уонна технологическай урбаан хайысхаларыгар дириҥ ис хоһоонноох лиэксийэлэргэ уонна маастар-кылаастарга саҥаны билиэн-көрүөн баҕалаах дьон тобус-толору муһунна.
Спикердэр ИТ-салааҕа ханнык идэлэр баалларын, кинилэр тугунан дьарыктаналларын, дьон үлэтин чэпчэтэр, олоҕун тупсарар, чуҥкуйдаххына аралдьытар саҥа технологияны хайдах толкуйдаан таһаарбыттарын, маркетинын оҥорбуттарын туһунан билиһиннэрдилэр.
Араас саайтары, сыһыарыылары оҥоруу санаатахха эрэ уустугун, ис дьиҥэр, илиигин ууран, сүрэххин арыйан туран үлэлээтэххинэ олоҕуҥ хаачыстыбата, тулалыыр дьонуҥ уларыйан, аан дойду аһыллан, саҥа кыах кэлэрин бэйэлэрин холобурдарыгар кэрэһилээтилэр.
Ааптар хаартыскаҕа түһэриитэ.
-
0
-
0
-
0
-
0
-
0
-
0
