Биир кэмҥэ Аартыка олохтоохторо тырааныспар нолуогуттан босхоломмуттара, вездехокка, бурааҥҥа, массыынаҕа түһээни төлөөбөттөр. Ити чэпчэтиинэн киитэрэй урбаанньыттар туһанан, хоту улууска регистрациялаах уонна Хабаровскайга үлэлиир дьон 200-тэн тахса массыыналаах киһи тырааныспар нолуогун төлөөбөккө сылдьыбыт. Ол иһин олохтоох сокуоҥҥа уларыйыы киирэн, билигин урбаанньыт биир эрэ тиэхиньикэтэ нолуоктан босхолонор.
Ол туһунан үнүбүрсүтүөт уокуругун олохтоохторугар 2025 с. түмүгүн таһараар отчуокка Ил Түмэн бэрэссэдээтэлин солбуйааччы, бүддьүөккэ, үпкэ-харчыга, түһээҥҥэ уонна сыана бэлиитикэтигэр, бас билии, приватизация боппуруостарыгар сис кэмитиэт бэрэссэдээтэлэ Юрий Николаев иһитиннэрдэ.
Отчуоту истэн баран уокурук бэтэрээннэрэ хаарбах дьиэттэн дьону көһөрүү, уопсай дьиэҕэ өрөмүөнү оҥоруу, саахардаах дьоҥҥо босхо ырысыабынан эминэн хааччыйыыга үп тиийбэтин, ол иһин эми атыҥҥа уларыталларын туһунан ыйытыктары биэрдилэр. Кинилэр хас биирдиилэрэ тустаах харданы ылан, норуот дьокутааттара кыһалҕалаах дьоҥҥо көмөлөһөллөрүн иһин махтал тылларын эттилэр, киһи астынар отчуотун биһирииллэрин биллэрдилэр.
Мичил Яковлев, ХИФУ хаартыскаҕа түһэриитэ.
-
0
-
0
-
0
-
0
-
0
-
0
