Ону таһынан, СӨ Бырабыыталыстыбата уонна «Drivee» хампаанньа айти хайысхатынан үөрэх бырагырааматын сайыннарарга, үлэһиттэри бэлэмнииргэ сөбүлэһиини түһэристилэр. Бу сөбүлэһии чэрчитинэн эдэр исписэлиистэри өйүөхтэрэ, сыыппара технологиятыгар үөрэҕи, быраактыканы сайыннарыахтара. Өрөспүүбүлүкэ бырабыыталыстыбатын бэрэссэдээлин солбуйааччы Анатолий Семенов сүрүн сорукпут эрэгийиэҥҥэ ыччат дьоҕурун, талаанын арыйарга сөптөөх усулуобуйаны тэрийии диэн билиһиннэрдэ.
Кини ыччат төрөөбүт өрөспүүбүлүкэтигэр айар дьоҕурун, интеллектуальнай кыаҕын арыйарыгар көмөлөһүөхтээхпит диэн бэлиэтээтэ. Түһэрсиллибит сөбүлэһии эдэр дьон инникигэ хардыы оҥороллоругар, айти салаатыгар саҥа бырайыактары толкуйдаан-тобулан таһааралларыгар тирэх буолуоҕа. Идиэйэлэрин олоххо киллэрэллэригэр үөрэтиэхтэрэ, сүбэлээн-амалаан биэриэхтэрэ.
Эдэр дьон уопуттаах айти үлэһиттэригэр сыһыарыллан үөрэниэхтэрэ, интэриэһинэй бырайыактарга кыттыахтара, билиилэрин, саҥа технологияны олоххо туһаныахтара.
«Drivee» хампаанньа Саха Сиригэр аан дойду таһымнаах бородууксуйаны оҥоруохха сөбүн кэрэһилээтэ, кинилэр ситиһиилэрэ саҥа саҕалыыр эдэр дьону кынаттыыр, сүрэҕин өрүкүтэр. Күн бүгүн хампаанньа Дьокуускайга регистрациялаах, айти-салаа үлүскэнник сайдарыгар көмөлөһөр, ону таһынан, «Мин идэм айти» куонкурус тутаах партнерун быһыытынан биллэр.
Маннык тэрээһин айти салаа сайдар кэскилин кэҥэтэр, ыччаты уһуйар, бу хайысханан үлэлээн, саҥа бырайыактары олоххо киллэрэн, ситиһии кынаттанан, үүнэн-сайдан тахсарга, өрөспүүбүлүкэни сайыннарарга кыах биэрэр», — диэн эттэ Анатолий Семенов.
Хаартыска: www.sakha.gov.ru
-
0
-
0
-
0
-
0
-
0
-
0
