- Саха Сирин судаарыстыбаннаһын күнэ бастаан утаа Өрөспүүбүлүкэ Төрүт сокуонун ылыммыт күнүн быһыытынан бэлиэтэнэрэ. Кэлин судаарыстыбаннас күнэ диэн ааттаах бэлиэтэнэр буолла.
Бастатан туран, Саха Өрөспүүбүлүкэтин Төрүт сокуонун үгүс ыстатыйалара эрдэттэн үлэлээбиттэрэ, Бастакы Бэрэсидьиэммит Михаил Ефимович Николаев салайар дьоҕурдаах дьону көҕүлээн, сайдар суолбут оҥкулун олоххо киллэрбитэ. Ону Төрүт сокуон бигэргэппитэ.
Холобур, 15 федеративнай дуогабардар, национальнай оскуола кэнсиэпсийэтэ, өрөспүүбүлүкэ экэниэмикэтэ уонна икки таhымнаах олохтоох салайыныы төрүттэрэ, норуот быыбардыыр былааhа, парламент cүрүннүүр, быhаарар былааhын тэрийии уо.д.а.
Иккиһинэн, Саха Төрүт сокуонун барыла Арассыыйа юристарынан, атын эрэгийиэнэр дьокутааттарынан элбэхтик ырытыллыбыта, онон оччотооҕу уопсай федеральнай былаас ыытар бэлиитикэтин иhинэн этэ.
Үсүһүнэн, ону сэргэ аан дойдутааҕы бэлиитикэ, араас судаарыстыбалар ситиhиилэрин таhымын тутуһан оҥоһуллубут буолан, күүстээх өрүттэрдээх буолбута саарбаҕа суох.
Онон Саха Өрөспүүбүлүкэтин Төрүт сокуона инники көлүөнэлэргэ сайдыы кэскилин түстүүр биhиги кэс тылбыт буолар.
Хаартыска Феодосия Габышева архыыбыттан.
-
3
-
0
-
0
-
0
-
0
-
0
