Автономияны турууласпыт уонна төрүттээбит улуу убайдарбыт Былатыан Ойуунускай, Максим Аммосов, Степан Аржаков, Исидор Барахов, Степан Васильев о.д.а. бэлитиичэскэй диэйэтэллэр сырдык ааттарыгар сүгүрүйэбит, хас биирдиилэрин пааматынньыктарын аттыгар миитиннэри тэрийэбит, махтал тылларын этэбит, сибэкки дьөрбөтүн уурабыт.
Кинилэр хорсун санааларынан, төрөөбүт дойдуга истиҥ тапталларынан норуот олоҕун тупсарарга Саха Сирэ автономнай өрөспүүбүлүкэ статуһун ыларын ситиспиттэрэ. Онон устуоруйаҕа саҥа кэрдиис кэм саҕаланан, өрөспүүбүлүкэбит үүнэн-сайдан барбыта, күн бүгүн Улуу Арассыыйа быстыбат сорҕотун быһыытынан салгыы сайдар суолунан барабыт.
Саха дьоно киэн туттар судаарыстыбаннай уонна бэлитиичэскэй диэйэтэлэ Гавриил Чиряев 17 сыл тухары өрөспүүбүлүкэни салайбыта, кини аата дойдубут 1960-1980 сс. ситиһиилэрин кытта ыкса ситимнээх. Кини өрөспүүбүлүкэни салайар кэмигэр норуот хаһаайыстыбата, социальнай эйгэ, экэниэмикэ, бырамыысыланнаска саҥа салаалар сайдан барбыттара. Гавриил Иосифович Чиряев аата улахан Сэбиэскэй энциклопедияҕа киирбитэ.
Бүгүн кини дойдутун, норуотун туһугар үтүө өҥөтүн, килбиэннээх үлэтин ахтан-санаан, СӨ Бырабыыталыстыбатын чилиэннэрэ, норуот дьокутааттара, Дьокуускай куорат Дууматын дьокутааттара, СӨ Уопсастыбаннай балаататын чилиэннэрэ, Дьокуускай куорат дьаһалтатын үлэһиттэрэ, Гавриил Чиряев биир дойдулаахтара «Бүлүү кэскилэ» уопсастыбаннай түмсүү бэрэстэбиитэллэрэ, судаарыстыбаннай сулууспа бэтэрээннэрэ, устудьуоннар сибэкки дьөрбөтүн уурдулар.
Ааптар хаартыскаҕа түһэриитэ.
-
0
-
0
-
0
-
0
-
0
-
0
