«Саха Сирэ чулуу уолун кытта бырастыылаһар. Ыар кутурҕан төһө да сабырайдар, Ийэ дойдутугар, бойобуой доҕотторугар, ытык иэһигэр тиһэҕэр диэри бэриниилээх хаалбыт киһибитинэн киэн туттуубут хас эмэ төгүлүнэн күүһүрэр, санаабыт кытаатар .
Алексей Рафаэлович анал байыаннай дьайыыга 2024 сыллаахха бэйэтин баҕатынан барбыта. «Медведь» диэн харыһылта ааттаах буойун тулхадыйбат тулуурун, хотугулуу самныбат дьулуурун көрдөрбүтэ. Хорсун санаатын, дьоруойдуу быһыытын иһин Алексей Рафаэловичка Арассыыйа Дьоруойун үрдүк аата иҥэриллибитэ.
Хаартыска: саха гов.ру
Кини дойдутугар ыараханнык бааһыран, эргиллэн кэлэн да баран, дьоҥҥо сулууспалыырын тохтоппотоҕо: оҕолору, ыччаты кытта көрсүһэрэ, бойобуой доҕотторун өйүүрэ, Ийэ дойдуга дьиҥ таптал, эр санаа, тулуур холобура буолбута. Кини төрөөбүт дойдутун олус таптыыра.
Элбэх норуоттаах Саха Сирин уонна тус бэйэм ааппыттан Дьоруой чугас дьонугар дириҥ кутурҕаммын тиэрдэбин. Дьоруой аата үйэлэргэ сулус буолан чаҕылыйыаҕа!
Алексей Рафаэлович Петров биһиэхэ мэлдьи чиэс, хорсун быһыы, бэриниилээх буолуу бэлиэтэ буолуоҕа. Кини аата өрөспүүбүлүкэ устуоруйатыгар, биир дойдулаахтарын, үүнэр көлүөнэлэр сүрэхтэригэр хаалыаҕа» — диэн Ил Дархан социальнай ситимигэр суруйда
-
0
-
0
-
0
-
0
-
2
-
0
