Аны хамсык саҥа хаптайан истэҕинэ Анал байыаннай дьайыы саҕаланан, көр-нар аргыстаах тэрээһин тохтотуллубута эрээри, сайыны супту ыһыах арааһа ыытыллар, ырыа-тойук дьиэрэйэр, бырааһынньыктарга эрэстэрээн аайы корпоративка муусука, оонньуу, үҥкүү-битии ньиргийэр.
Арай ыам ыйын 1 күнүгэр үлэһит дьон тоҕо эрэ параакка тахсыбат буоллуллар. Эбии өрөбүл күн эбиллэн, дьон үксэ даачаҕа, айылҕаҕа шашлыктыы тахсаллар, оттон Үлэ, Эйэ бырааһынньыгын суолтата намтаабыт курдук.
Бэҕэһээ Доҕордоһуу болуоссатыгар оҕуруонан тиһиллибит илии оҥоһуктарын, сосискалаах гамбургер, шашлык дьаарбаҥката ыытылынна, «Үлэ киһитэ» бириэмийэ лауреаттарын, үлэ династияларын чиэстээтилэр. Онтон хотугулуу һээдьэҕэ, сахалыы оһуохайга дьон илиилэриттэн тутуһан, күн хаамыытынан эргийдилэр. Үлэ кэлэктииптэрэ, бэтэрээннэр бырааһынньыктааҕы кэнсиэри көрдөрдүлэр.
Хас да чаастаах тэрээһини көрөргө аҕыйах олоппос баар эрээри, онно кырдьаҕастар олороллор, атыттар тура сатаан баран тарҕастылар. Инникитин маннык тэрээһиннэри кэлбит киһи бары олорон көрөрүн курдук «Туймаада» стадиоҥҥа оҥоруохха баар этэ.
Ааптар хаартыскаҕа түһэриитэ.
-
0
-
0
-
0
-
0
-
0
-
0
