Күн бүгүн өрөспүүбүлүкэҕэ ойуур баһаарын умуруорарга биир кэлим былаан оҥоһуллубут. Баһаар турар кутталлаах сиригэр 463 нэһилиэнньэлээх пууҥҥа, 32 оҕо сайыҥҥы чэбдигирэр лааҕырыгар уонна 83 садоводческай табаарыстыбаларга сыһыаннаах СӨ Бырабыыталыстыбатын уурааҕа тахсыбыт. Күн бүгүн кинилэр баһаары сэрэтэр тэрээһиҥҥэ төһө бэлэмнэрин бэрэбиэркэлииллэр. Бу үлэни ыам ыйа бүтүөр диэри түмүктүүр санаалаахтар.
СӨ Баһаары сэрэтэр судаарыстыбаннай сулууспатын начаалынньыга Руслан Босиков ландшафтнай баһаары умуруорарга 285 киһилээх 35 внештатнай бөлөх, 21 тиэхиньикэ баарын туһунан эттэ. Уоту сэрэтэргэ, нэһилиэнньэлээх пууннары харыстыырга суһал-тактическай тэрээһини ыытарга былаан бигэргэтиллибит.
Хаартыска Андрей Сорокин, ЯСИА.
-
0
-
0
-
0
-
0
-
0
-
0
