Амма өрүс мууһа орто сүүрүгэр, Амма сэлиэнньэтин аннынан уста турарын туһунан бэҕэһээ, ыам ыйын 7 күнүгэр биллэрдилэр. Олохтоохтор бэлиэтииллэринэн, өрүс орто сүүрүгэр - Амма улууһун сиригэр-уотугар көмүөл мууһа кэлин уонча сылга үөһээҥҥиттэн быһытталанан эрдэлээн саҕаланар буолбут. Ол биричиинэтинэн бу эҥээр үрэхтэр уулара эрдэлээн киирэн, өрүс мууһун көтөҕөр. Оттон гидрометереологтар сабаҕалааһыннарынан, Өлүөнэ мууһа Саха Сирин территориятыгар ыам ыйын 9-12 күннэригэр кэлиэҕэ диэн иһитиннэрэллэр.
Информация о материале
Эрэдээксийэ
Эрэдээксийэ
08.05.26 06:32
Амма өрүс мууһа орто сүүрүгэр, Амма сэлиэнньэтин аннынан уста турарын туһунан бэҕэһээ, ыам ыйын 7 күнүгэр биллэрдилэр. Олохтоохтор бэлиэтииллэринэн, өрүс орто сүүрүгэр - Амма улууһун сиригэр-уотугар көмүөл мууһа кэлин уонча сылга үөһээҥҥиттэн быһытталанан эрдэлээн саҕаланар буолбут. Ол биричиинэтинэн бу эҥээр үрэхтэр уулара эрдэлээн киирэн, өрүс мууһун көтөҕөр. Оттон гидрометереологтар сабаҕалааһыннарынан, Өлүөнэ мууһа Саха Сирин территориятыгар ыам ыйын 9-12 күннэригэр кэлиэҕэ диэн иһитиннэрэллэр.
Өлүөнэ өрүс мууһун алын кирбиитэ билигин Иркутскай уобаласка бэлиэтэнэр. Ленскэй оройуонугар муус устуута ыам ыйын 9-12 күннэригэр бэлиэтэнэр. Бу туһунан Дьокуускайдааҕы гидрометеорология уонна тулалыыр эйгэни кэтээн көрүү управлениетын начаалынньыгын солбуйааччы, гидрометерология киинин начаалынньыга Татьяна Маршалик эттэ.
Кини этэринэн, өрөспүүбүлүкэ улахан өрүстэригэр муус устуута чугаһаабыт буоллаҕына, орто кээмэйдээх өрүстэргэ муус хамсыыр кэмэ кэлбит. Амма өрүскэ муус хамсааһынын кэтээн көрүү салҕанар. Чугастааҕы үс хонукка Амма — Харбалаах учаастагар муус устуута кэтэһиллэр.
Маны сэргэ, Бүлүү өрүскэ уу таһыма үрдээһинэ бэлиэтэнэр, ордук Кириэстээх — Ньурба учаастагар.
Сиһилии: https://www.sakha.gov.ru/news/47358
СӨ Ил Дарханын уонна Бырабыыталыстыбатын пресс-сулууспата
1
0
0
0
0
0
