Тыа сиригэр «Доруобай нэһилиэк» диэн бырайыак үлэлиир. 2025 с. манна 40 тыһ. киһи кыттыбыт. СӨ физичэскэй култуураҕа уонна успуорка миниистирэ Леонид Спиридонов этэринэн, бырайыак көдьүүстээх буолан, үбүлээһинин улаатыннаран, географиятын кэҥэтэн биэриэхтээхтэр. Халлаан сылаас кэмигэр болуоссаттарга уонна искибиэрдэргэ инструктордар сарсыардааҥҥы сэрээккэни ыыталлар. Манна 61 тыһ. киһи кыттыбыта бэлиэтэммит. Маннык быраактыка ороскуота кыра уонна туһата улахан.
Маассабай успуорду сайыннарарга тэрилтэ үлэһиттэрэ ГТО нормативын туттараллар. Кэлиҥҥи уон сыл иһигэр өрөспүүбүлүкэҕэ түргэн-тарҕан, сылбырҕа, кус быһый, ат бөҕө дьоҥҥо 43023 бэлиэни туттарбыттар. Былырыын 8231 бэлиэни туттарбыттарыттан 4447 кыһыл көмүс. Кыттааччылар ахсааннарынан Саха Сирэ Арассыыйаҕа 63 миэстэҕэ турар, ол иһин нэһилиэнньэни көҕүлүүргэ сүрүн сорук оҥостон үлэлииллэр. Холобур, ГТО-ҕа көмүс бэлиэни ылбыт дьон успуорт эбийиэктэригэр сылдьарга 50% чэпчэтиинэн туһаналлар, БКЭ эксээмэнин туттарарга эбии баал ааҕыллар, истипиэндьийэ үрдэтиллэр, бүддьүөт үлэһиттэригэр төлөнөр эбии өрөбүл бэриллэр.
Хаартыска Андрей Сорокин, ЯСИА.
-
0
-
0
-
0
-
0
-
0
-
0
