Өлүөнэҕэ күмүөл устуутун бастакы чааһыгар Пеледуй гидропуоһун аннынан муус харыыта үөскээн, Витим уонна Пеледуй икки ардыгар уу таһыма үрдүү турар диэн күнү-дьылы кэтээн көрөр сулууспа иһитиннэрэр.
Ыам ыйын 11 күнүгэр сарсыарда 08:00 ч. туругунан, Витим бөһүөлэгин аттыгар уу таһыма 1020 см тиийдэ, кутталлаах таһым – 950 см. Кыра муус устуута бэлиэтэнэр.
Пеледуй бөһүөлэгин аттыгар уу таһыма 1275 см тиийдэ, кутталлаах таһым – 1200 см, гидропуостан аллараа муус харыыта баар. Кэнники 2-4 чааска уу таһыма бытааннык үрдүүр.
Бэҕэһээ манна бөртөлүөтүнэн кэтээн көрүү ыытыллыбыт. Витим уонна Пеледуй бөһүөлэктэр намыһах сирдэрэ ууга барбыттара көстөр. Чугастааҕы сууккаҕа муус салгыы устубакка, харыы өр турдаҕына, Витим уонна Пеледуй аттыгар уу таһыма кутталлаах гидрологическай бэлиэттэн үрдүк буолуо диэн сабаҕаланар. Ленскэй куоракка көмүөл кэлиитин сарсын сабаҕалыллар.
Хаартыска https://vk.com/mchs_yakutia
-
1
-
1
-
0
-
0
-
0
-
0
