Көмүөл бастакы участагын алын кирбиитэ Өлүөхүмэ Мачатыттан 20 км аллараа кэллэ, манна уу таһыма 851см тиийдэ, кутталлаах таһыма 1290 см. Ленскэй куоратын аннынан уу таһыма 791 см, кутталлаах таһыма 1760 см. Көмүөл кутуруга Ленскэй оройуонун Хамратыгар бэлиэтэнэр, уу түһүүтэ бэлиэтэнэр. Көмүөл суукка устата 290 км хамсаата. Бу учаастаак уһуна 290 килэмиэтир.
Көмүөл иккис участагын алын кирбиитэ Өлүөхүмэ улууһун Урицкое сэлиэнньэтиттэн 10 км аллараа кэлэн, иккис сууккатын тохтоон турар, манна уу таһыма намыһах. Көмүөл бу учаастагын үөһээ кирбиитэ Өлүөхүмэ улууһун Солянка сэлиэнньэтин таһыгар бэлиэтэнэр. Манна уу таһыма 937 см тиийдэ, кутталлаах таһыма 1445 см. Манна көмүөл мууһа 109 км устатыгар устар. Икки учаастак икки ардыларын уһуна бэҕэһээ 505 км. эбит буоллаҕына, бүгүн 215 км диэри кылгаата. Сабаҕалааһынынан, көмүөл икки учаастага холбоһон биир күдьүс устуохтара.
Амма өрүс төрдүгэр тиийэн Алдаҥҥа киирдэ, Бүлүү өрүс алын кирбиитэ Бүлүү куоратын аһарда, сарсын Кэбээйи улууһугар киирэрэ сабаҕаланар. Алдан өрүс көмүөлэ бүгүҥҥүнэн үс учаастагынан устар, үһүс алын кирбиитэ Хаандыгаттан Охотскай Перевозка диэри бэлиэтэнэр.
Бу күннэргэ СӨ бырабыыталастыбатын бэрэссэдээтэлин бастакы солбуйааччы Дмитрий Садовников салалталаах бөлөх Ленскэй оройуонугар халаан уутун этэҥҥэ аһардыыга уонна ойуур баһаардарын хонтуруоллааһыҥҥа үлэлиирин бэлиэтиэххэ сөп
-
0
-
0
-
0
-
0
-
0
-
0
