Көмүөл алын кирбиитэ Хаҥалас Кытыл Дьураатыгар кэллэ, манна уу таһыма кутталлаах таһымтан (1631 см) намыһах. Көмүөл кутуруга Ленскэй Мурьятытыгар баар, уу түһэр. Көмүөл уһуна 726 км, суукка устата 80 км барда. Покровскай куорат аннынан муус хамсааһына ыам ыйын 15-16 күннэригэр сабаҕаланар, Дьокуускайга ыам ыйын 16-17 күннэригэр күүтүллэр.
Алдан өрүс көмүөлэ үс улууһунан – Уус Маайанан, Томпонон уонна Тааттанан барар. Билигин алын кирбиитэ Уус Тааттаҕа кэллэ, уу кутталлаах таһымтан (1450 см) намыһах. Көмүөл кутуруга Уус Маайа Чараҥар хойуутук барар, уу түһэр. Көмүөл суукка устата 59 км барда. Бүгүн-сарсын Алдан көмүөлэ Уус Алдан улууһун сиригэр киириэҕэ. Алдан Өлүөнэҕэ киириитэ ыам ыйын 16-17 күннэригэр сабаҕаланар.
-
0
-
0
-
0
-
0
-
0
-
0
