Көмүөл алын кирбиитэ Хаҥалас Үөһээ Бэстээҕин ааста. Покровскай куорат муус хамсыыр, уу таһыма 657 см , манна уу таһыма кутталлаах таһымтан (1370 см) намыһах. Көмүөл кутуруга Өлүөхүмэ Маачатыгар кэллэ, уу түһэр. Көмүөл уһуна 723 км, суукка устата 173 км барда. Покровскай куорат аннынан муус хамсааһына бэлиэтэнэр, көмүөл Дьокуускайга кэлиитэ ыам ыйын 16-17 күннэригэр күүтүллэр. Өлүөнэ көмүөлэ Алдан төрдүгэр тиийиитэ ыам ыйын 19-20 күннэригэр сабаҕаланар.
Алдан өрүс көмүөлэ үс улууһунан – Томпонон Тааттанан уонна Уус Алданынан барар. Билигин алын кирбиитэ Чэриктэйи ааста, уу кутталлаах таһымтан (1000 см) намыһах. Көмүөл кутуруга Охотский Перевозка кэллэ, уу түһэр. Көмүөл уһуна 519 км, суукка устата 37 км барда. Алдан Өлүөнэҕэ киириитэ ыам ыйын 17-18 күннэригэр сабаҕаланар.
Бүлүү өрүһүн мууһа Бүлүү уонна Кэбээйи улуустарынан барар. Алын кирбиитэ Хатырык Хомоҕо кэллэ, уу таһыма намыһах.
Халыма өрүс уҥа салаата Березовка өрүс көмүөлэ саҕаланна, уу таһыма 716 см (кутталлаах таһыма 1000 см).
-
0
-
0
-
0
-
0
-
0
-
0
