Калининград Арассыыйаттан тэйиччи турар эрэгийиэн, Европа ортотугар Польшаны, Литваны, Белоруссияны кытта ыаллаһа олорор. Муораҕа тахсарга стратегическай суолталаах, Арассыыйа Балтийскай флотун баазата манна баар, онон байыаннай хараабыллар элбэхтэр. Аатырбыт «Титаник» киинэҕэ уһуллубут, Атлантическай акыйаан түгэҕэр тимирэ сытар икки аҥы хайа барбыт хараабыл куорпуһун устаары киирэ сылдьыбыт «Мир» батискаф билигин түмэлгэ дьон көрүүтүгэр турар.
Калининградка кэлбит дьон үгүстэрэ Аан дойдутааҕы акыйаан түмэлигэр сылдьыбакка эрэ барбаттар. Бу куорат киинигэр, Преголя өрүс кытылыгар баар дьикти быһыылаах мусуой ыраахтан киһи хараҕар быраҕыллар. Сүүнэ улахан сир саарын курдук төгүрүк быһыылаах тутуу ыраахтан көстөр, оттон кытылга хас даҕаны хараабыл, уу аннынан сылдьар субмарина, гидросөмөлүөт тураллар, ону сылга 1,9 мөл. кэриҥэ киһи кэлэн көрөр.
Ааптар хаартыскаҕа түһэриитэ.
-
0
-
0
-
0
-
0
-
0
-
0
