Билигин көмүөл алын кирбиитэ Кангаласс бөһүөлэгэр бэлиэтэнэр, манна уу таһыма 985 см , кутталлаах таһымтан 1100 см), муус хойуутук барар. Көмүөл кутуруга Хаҥалас Иһитигэр кэллэ, уу түһэр. Көмүөл уһуна 358 км, суукка устата 43 км барда. Өлүөнэ көмүөлэ Нам-Батамай учаастагар тиийиитэ бу күннэргэ сабаҕаланар.
Алдан өрүс көмүөлэ алын кирбиитэ билигин Уус Алданынан барар, алын кирбиитэ Дыгдаалы ааста, уу таһыма 888 см, көмүөл суукка устата 20 км барда. Алдан Өлүөнэҕэ киириитэ бэлиэтэнэр.
Хаартыска : Виктор Павлов түһэриитэ, Аллараа Бэстээх
Бүлүү өрүһүн мууһа Кэбээйи улууһунан барар. Алын кирбиитэ Соҕо Хайаҕа кэллэ, уу таһыма намыһах. Биир-икки хонугунан Өлүөнэҕэ тахсара сабаҕаланар
Халыма өрүс уҥа салаата Березовка өрүс көмүөлэ Березовка бөһүөлэгин аннынан бэлиэтэнэр, уу таһыма 752 см (кутталлаах таһыма 1000 см).
Бүгүн Арассыыйа ЫБММ бөртөлүөтүнэн Хаҥалас, Дьокуускай, Нам учаастагынан кэтээн көрөр көтүү оҥоһуллуоҕа. Халыма өрүс мууһун эстиитэ ыам ыйын 19-21күннэригэр күүтүллэр, Орто Халыма куоратын аннынан көмүөл кэлиитэ ыам ыйын 23-25 күннэригэр сабаҕаланар.
-
1
-
0
-
0
-
0
-
0
-
0
