Өлүөнэ көмүөлэ Эдьигээн улууһун киинэ Эдьигээн бөһүөлэгин анныгар тиийиитэ ыам ыйын 23-25 күннэригэр сабаҕаланар. Партизан-Нам- Сыгынах учаастагар уу таһыма үрдүүрэ күүтүллэр, ходуһаҕа, намыһах сирдэргэ тахсыаҕа.
Алдан өрүс көмүөлэ билигин Уус Алданынан барар, алын кирбиитэ Алдан төрдүгэр тиийэн, Өлүөнэҕэ киирдэ. Көмүөл кутуруга Дыгдаалтан 40 км. аллараа бэлиэтэнэр, уу таһыма 664 см, кутталлаах таһыма 1000 см. Көмүөл уһуна 7 км..
Бүлүү өрүһүн мууһа Кэбээйи улууһунан барар. Алын кирбиитэ Өлүөнэҕэ таҕыста.
Халыма өрүһүн баһыгар, Магадаан уобалаһын сиригэр-уотугар муус алдьаныыта бэлиэтэнэр. Зырянка аннынан муус барыытын ыам ыйын 20-22 күннэригэр күүтүллэр, Орто Халыма аннынан ыам ыйын 23-25 күннэригэр. Халыма өрүс уҥа салаата Березовка өрүс көмүөлэ Березовка бөһүөлэгин аннынан бэлиэтэнэр, уу таһыма 843 см (кутталлаах таһыма 1000 см).
Дьааҥы өрүһүгэр уу эбиллэр, Сартаҥ, Дулҕалаах, Адыыча өрүстэригэр кыралаан уу эбиллэр, Верхоянскай аннынан муус барыытат ыам ыйын 21-26 күннэригэр сабаҕаланар.
Өлөөн өрүһүгэр Ягольин гидропост таһынан уу таһыма 430 см, кутталлаах таһыма 2712 см. Муус устуута бэлиэтэнэр, Өлөөн сэлиэнньэтин аннынан муус хамсыыр, ырбыыланар. Көмүөл кэлиитэ ыам ыйын 25 күнүгэр күүтүллэр.
Индигиир өрүскэ Уус Нера уонна Уус Муома ардыларыгар уу киириитэ бэлиэтэнэр, Уус Нера аннынан көмүөл барыыта ыам ыйын 20-26 күннэригэр сабаҕаланар.
Ыам ыйын 20 күнүгэр Аппааныттан Алдан төрдүгэр диэри учаастагынан “ Орлан-10“ бэйэтэ көтөр аалынан кэтээн көрүү оҥоһуллуоҕа. Ааспыт сууккаҕа Өлүөнэ өрүһүгэр бөртөлүөтүнэн кэтээн көрүү кэмигэр Нам улууһун Маймаҕа сэлиэнньэтиттэн аллараа учаастагар харыы үөскээбит сирдэригэр 850 киилэлээх 1 дэлби тэптэрии оҥоһулунна.
-
0
-
0
-
0
-
0
-
0
-
0
