Хаартыска Алексей Матвеев
Дьокуускай куорат Дууматын бэрэссэдээтэлэ Альберт Семенов Үрдүкү суут быһаарыытын туһунан санаатын өрөспүүбүлүкэ информационнай ситимнэригэ үгүстүк таһаардылар.
«Дьокутааттар ылыммыт быһаарыыбыт сөптөөх диэн бастакыттан эрэллээх этибит. Бу биһиги үлэбит түмүгэ уонна суолтата буолар. Бастатан туран, сокуон быһыытынан уонна куорат бары олохтоохторун интэриэстэрин учуоттаан ылыммыт дьаһалбыт сөптөөҕүн өссө төгүл бигэргэттибит.
Ленин болуоссата биһиги куораппыт биир сүрүн киин болуоссатынан хаалар. Саха АССР төрүттэниитигэр уонна сайдыытыгар В.И. Ленин киллэрбит кылаатын бары билэбит. Биһиги устуоруйабытын ытыктыыбыт уонна сыаналыыбыт. Бу историческай сир куораппыт үгүс көлүөнэтигэр улахан суолталааҕын өйдүүбүт. Ол иһин Ленин болуоссата уонна кини пааматынньыга оннугар тураллар.
«Өрөспүүбүлүкэ болуоссата» диэн болуоссакка аат иҥэриитэ өрөспүүбүлүкэбит бары олохтоохторугар ытыктабыл бэлиэтинэн буолар. Устуоруйаны хаттаан суруйа сатааһын буолбатах. Саха Сирин киин куоратын саамай ортотугар турар саҥа, аныгы уопсастыбаннай сир өрөспүүбүлүкэбит элбэх омуктаах норуотун сомоҕолоһуутун, доҕордоһуутун көрдөрөр.
Ылыллыбыт быһаарыы биһиги уопсастыба быһыытынан инникигэ тардыһыыбыт, уопсай дойдубут - Арассыыйаны кытта сомоҕолоһон сайдыыбыт, урукку көлүөнэлэригэр ситиһиилэригэр ытыктабылбыт бэлиэтинэн буолар.
-
0
-
0
-
0
-
0
-
0
-
0
