Дьон тоҕо Турцияны сөбүлүүрэ, манна тардыһара кэккэ төрүөттээх: Орто (Средиземнэй) муораҕа алтынньы бүтүөр диэри сылаас ууга сөтүөлүөххэ сөп, эт-балык, үрүҥ ас, фрукта эгэлгэтэ, кыраадыстаах-кыраадыһа суох утах арааһа, мороженай дэлэгэй, хоскор холодильниккын күн аайы буор-босхо толоро тураллар. Бассейн тула пеннай дискотека, атахтарыттан төбөлөрүгэр диэри мыыла күүгэнэ буолбут дьону носуостаах сөрүүн уунан саба ыстараллар. Хаһыы-ыһыы, үөрүү-көтүү, киэһэ эмиэ үҥкүү-битии салҕанар, хайдах эрэ күн аайы бырааһынньык курдук.
Турецкай аһы саха киһитэ атыҥыраабат, элбэх эттээх, балыктаах буолан сөбүлүүр, бараан оҕотун тандырга үтэн аҕаллахтарына эчи этэ сымнаҕаһын, минньигэһин, ону наршараб диэн гранатовай соуска буккуйан сиэтэххинэ, иһиҥ кытта үөрбүт курдук буолар.
Кэрэ аҥаардар күлүккэ олорон гезлеме диэн чараас лэппиэскэ иһигэр эти, сыыры, оҕуруот аһын кутан биэрэллэр, көрөн турдаххына буһараллар. Ону сөрүүн айрааны кытта сииллэр. Аны сарсыарда сибиэһэй кофены кытта симит (хачыгырас кунжууттаах халаачык) олус да минньигэс.
Ааптар хаартыскаҕа түһэриитэ.
-
0
-
0
-
0
-
0
-
0
-
0
