– Бу бэрт үчүгэй бырайыак, табаһыт оҕото төрөппүттэриттэн, дьиэтиттэн, төрөөбүт тылыттан, үгэһиттэн тэйбэккэ, оскуолаҕа киирэргэ бэлэмнэнэр, ону ийэтэ бэйэтэ дьарыктыыр, – диир Нерюнгри оройуонун Иенгра олохтооҕо, «Золотинка» уһуйааҥҥа 40 сыл үлэлээбит Анна Попова.
Кэмпилиэк икки суумкалаах, онно сайдыы күннүгэ, дидактическай матырыйааллар, бэрт тупсаҕай ойуулаах ааҕар кинигэлэр, суоттар, конструктордар, остуол оонньуулара, кэнсэлээрийэ тэриллэрэ уо.д.а. бааллар. Сыыппара контенын планшетыгар 5-6 саастаах кырачааннарга сөптөөх үөрэтэр-сайыннарар литература, хотугу омуктар тылларынан ырыа-хоһоон, остуоруйа, уруһуйга, аппликацияҕа, ырыаҕа, физкултуураҕа видеоуруоктар киллэриллибиттэр. Интэриниэт ирдэммэт, тоҕо диэтэхххэ, планшет күүһүрдүллүбүт аккумулятордарынан хааччыллыбыт.
Арассыыйа Федерациятын Үөрэҕин министиэристибэтин тустаах департаменын начаалынньыгын солбуйааччы Наталья Костюк бэлиэтииринэн, бырайыак көдьүүстээҕин көрдөрдөҕүнэ, атын эрэгийиэннэргэ тарҕатыллыахтаах. Бу туһунан Тыа хаһаайыстыбатын уонна ас-үөл бэлиитикэтин министиэристибэтин пресс-киинэ иһитиннэрэр.
Хаартыска: Тустаах саайтан.
-
0
-
0
-
0
-
0
-
0
-
0
