Авиациянан, сиринэн уонна космостан кэтээн көрүү түмүгүнэн Хаҥалас, Эдьигээн, Таатта, Мэҥэ Хаҥалас, Орто Халыма, Булун, Кэбээйи, Мииринэй, Өлөөн, Томпо улуустарыгар уонна Дьокуускай чугаһыгар 2 113,5 иэннээх 26 саҥа баһаар тахсыбыта билиннэ.
Уопсайынан, бүгүҥҥү күҥҥэ 13 475,5 га иэннээх 54 ойуур баһаара Хаҥалас, Эдьигээн, Таатта, Мэҥэ Хаҥалас, Орто Халыма, Булун, Кэбээйи, Мииринэй, Өлөөн, Өймөкөөн, Томпо, Эбээн Бытантай, Нерюнгри улуустарыгар уонна Дьокуускай таһыгар умайар.
Билигин Мэҥэ Хаҥалас, Нерюнгри, Кэбээйи, Эбээн Бытантай улуустарыгар уонна Дьокуускай уокуругар 3 265,5 иэннээх сиргэ 10 ойуур баһаарын умулларыы үлэтэ барар. Онно 371 киһи уонна 28 тиэхиньикэ үлэлэһэллэр. Саҥа тахсар баһаардары харыстанар зонаҕа суһаллык умулларыы 98,95 % тэҥнэһэр.
Ойуур баһаарын туһунан иһитиннэриини 44-74-76 эбэтэр ойууру харыстыыр сулууспа кэлим нүөмэригэр 8-800-100-94-00 эрийэн биллэриэххитин сөп.
Хаартыска социальнай ситимнэртэн
-
0
-
0
-
0
-
0
-
0
-
0
