Ыһыах кэмигэр барыта 40 араас тэрээһин Кэбээйи улууһун олохтоохторун, өрөспүүбүлүкэ араас муннуктарыттан, ыраахтан-чугастан мустбут ыалдьыттары түмтэ. 18-с өрөспүүбүлүкэтээҕи Ыһыаҕы ыыппыт Кэбээйи улууһа аныгыскы, 19-с Олоҥхо Ыһыаҕын Ытык Дуоҕатын 2027 сылга ыытыллыахтаах Лиэнскэй улууһугар туттарда.
Кэбээйи Олоҥхо Ыһыаҕын түмүктүүр сабыллыытыгар Саха Өрөспүүбүлүкэтин Бырабыыталыстыбатын бэрэссэдээтэлин солбуйааччы Сергей Местников уонна Кэбээйи улууһун баһылыга Иван Левин Ыһыах тэрээһинигэр кыттыбыт тэрилтэлэргэ, олохтоохторго, мустубут дьоҥҥо дириҥ махталларын биллэрдилэр.
Олоҥхо Ыһыаҕын Ытык Дуоҕутун кэбээйилэр Лиэнскэй улууһун дэлэгээссийэтигэр туттардылар. Лиэнскэй улууһун баһылыга Александр Черепанов Ытык Дуоҕаны тутарыгар Кэбээйи улууһун олохтоохторугар махталын биллэрдэ уонна аныгыскы Олоҥхо Ыһыаҕа эмиэ маннык үрдүк таһымнаахтык барарыгар эрэнэрин биллэрдэ.
Кэбээйиигэ Олоҥхо Ыһыаҕын бүтэһик тэрээһининэн Иван Николаев -Куоҕас Уйбаан матыыбынан «Мүлдьү Бөҕө» испэктээҕи туруоруу буолла. Туруорааччынан РФ норуодунай артыыһа Андрей Борисов уонна Олоҥхо тыйаатырын кылаабынай режиссера Роман Дорофеев буоллулар диэн улусмедиа саайтыгар биллэрэр.
Хаартыскалар улусмедиа
-
0
-
0
-
0
-
0
-
0
-
0
