Уһук Илин эрэгийиэннэрин сокуону оҥорор судаарыстыбаннай былааһын бэрэстэбиитэллэрэ федеральнай былааска кыттыгас 14 көҕүлээбит этиилэрин көрдүлэр. Эрэгийиэннэр парламентарийдара уочараттаах көрсүһүүлэригэр сүрүннээн дьүүллэспит хайысхаларынан: Уһук Хоту сир олохтоохторун өйөөһүн, чэпчэтиилээх ипэтиэкэ бырагыраммаларын сайыннарыы, анал байыаннай дьайыы кыттыылаахтарын уонна кинилэр дьиэ кэргэттэрин өйөөһүҥҥэ туһуламмыт эбии миэрэлэри ылыныы буолла, ону таһынан тыа хаһаайыстыбатын, балыктааһын салаатын, урбаан боппуруостарын тула кэпсэтии ыыттылар.
Уочараттаах Уопсай мунньахха Алексей Еремеев РФ Бырабыыталыстыбатын көрүүтүгэр бэтэрэнээринэй сүрүннээһин боппуруостарынан, нолуоктааһын сокуоннарыгар киирэр уларыйыылар аччыгый уонна орто урбааҥҥа дьайыытын кэтээн көрүүгэ туһуламмыт этиилэри оҥордо.
Хаартыска Ил Түмэн пресс-сулууспатыттан
-
1
-
0
-
0
-
0
-
0
-
0
