Бэбиэскэҕэ киирбит сүрүн боппуруоһунан – 2026 сыл бастакы аҥаарыгар көрүллүбүт тэрээһиннэр Былааннарын толоруу туһунан иһитиннэриини СӨ Тас сибээскэ уонна СӨ норуоттарын дьыалаларыгар миниистирэ Гаврил Кириллин оҥордо. Ол курдук, былааҥҥа киирбит 111 тэрээһинтэн 58 толоруллубут, ол сыллааҕы былаантан 52 % ылар. Икки тэрээһин хойутуу кэмҥэ көһөрүллүбүт, хаалбыт 51 тэрээһин сыл иккис аҥаарыгар ыытыллыахтара. Салгыы мунньахха туһааннаах министиэристибэлэр, биэдимэстибэлэр салайааччылара, бэрэстэбиитэллэрэ тыл эттилэр, ыытыллар үлэ туһунан билиһиннэрдилэр.
Көрсүһүү кэмигэр киирбит этиилэртэн көрдөххө, Нуучча географическай уопсастыбаттан Салаатын кытта үс өрүттээх Сөбүлэһии түһэрсиини өйөөтүлэр. Бу докумуоҥҥа илии баттааһыҥҥа “Арассыыйа норуоттарын Ассамблеята” муниципальнай салаалара уонна “Улуу ситиһиилэр Суоллара” бырайыак киириэхтээхтэрин ыйдылар. Арассыыйа норуоттарын сомоҕолоһуутун бөҕөргүүрүгэр уонна этно култуура сайдыытыгар тус кылааттарын иһин туттарыллар “Наассыйа киэн туттуута” Бүтүн Арассыыйатааҕы уопсастыбаннай бириэмийэҕэ түһэриини түргэтэтэр наадатын эттилэр.
Мунньах түмүгэр Афанасий Владимиров “Cыл бастакы аҥаарыгар туруоруллубут соруктары толорууга ситимнээх үлэ олохтоммута, анал Сыл бары сүрүн хайысхалара тутуһуллаллара уонна сөптөхтүк ыытыллаллара көһүннэ”, -диэн бэлиэтээтэ.
Хаартыска: Ил Түмэн пресс-сулууспата
-
0
-
0
-
0
-
0
-
0
-
0
