Уопсастыбаннай тэрилтэлэр билигин олох инники күөҥҥэ сылдьар буолбуттара мэлдьэҕэ суох. Ол курдук, кэнники сылларга оскуоланы араас сылларга бүтэрээччилэри түмэр соруктаах өрөспүүбүлүкэтээҕи уопсастыбаннай тэрилтэ хаһыс да сылын атырдьах ыйыгар киэҥ далааһыннаах бэстибээли тэрийэрэ үтүө үгэскэ кубулуйда. Бу улахан эргимтэлээх, култуура да, успуорт да хайысхаларынан ыытыллар, өрөспүүбүлүкэ оскуолаларын бары бүтэрээччилэрин түмэр тэрээһин быйыл Үөһээ Бүлүүгэ ыытыллыаҕа.
Уопсастыбаннай тэрилтэлэр билигин олох инники күөҥҥэ сылдьар буолбуттара мэлдьэҕэ суох. Ол курдук, кэнники сылларга оскуоланы араас сылларга бүтэрээччилэри түмэр соруктаах өрөспүүбүлүкэтээҕи уопсастыбаннай тэрилтэ хаһыс да сылын атырдьах ыйыгар киэҥ далааһыннаах бэстибээли тэрийэрэ үтүө үгэскэ кубулуйда. Бу улахан эргимтэлээх, култуура да, успуорт да хайысхаларынан ыытыллар, өрөспүүбүлүкэ оскуолаларын бары бүтэрээччилэрин түмэр тэрээһин быйыл Үөһээ Бүлүүгэ ыытыллыаҕа.
Атырдьах ыйын 21-22 күннэригэр "Түгэхтэй" комплекска 3-с өрөспүүбүлүкэтээҕи выпусктар көрсүһүүлэрэ буолаары турар.
Ааспыт сылга Чурапчы улууһугар буолбута, быйылгы эстафета биһиэхэ бэриллибитэ. "Муҥха, үрүҥ түүн киэһэтэ о.д.а араас тэрээһиннэр буолуохтара. Ыалдьыттары балааккаларынан, " Эйгэ" балаҕаннарыгар түһэриэхпит", - диэн улуус баһылыгын социальнай боппуруостарга солбуйааччыта Анна Уларова эттэ.
Альберт Михайлович Соров , Бэстибээл тэрийээччитэ, оскуоланы 1983 сылга бүтэрээччи: "Бастакы Бэстибээл Намҥа, иккис Чурапчыга, быйылгы Бэстибээл манна буолуоҕа. Биһиги Бэстибээлбит култуураҕа уонна спортка сыһыаннаах. Эһиил Бороҕоҥҥо буолара былааннанар", -диэн билиһиннэрэр.
Хаартыскалар: Үөһээ Бүлүү МАХ ханаалыттан
0
0
0
0
0
0
