Манна даҕатан эттэххэ, Түүлээх нэһилиэгиттэн ааспыт үйэ 70-с сылларыгар Бережнев Алексей Степанович летчик идэтин баһылаан, өр сылларга байыаннай авиацияҕа үлэлээбитэ. Винокуров Аркадий Аркадьевич, Иванов Анатолий Гусимович, Тарскай Михаил Николаевич эмиэ соҕуруу авиационнай училищелары бүтэрэн, уһуннук Гражданскай авиацияҕа үлэлээбиттэрэ. Ол кэнниттэн, авиацияҕа бу оҕолорбут улахан конкурсу ааһан, үчүгэйдик үөрэнэн авиатор идэтин ыллылар. Артем – авиатехник, Арияна гражданскай авиация пилотун дипломун туттулар.
Авиационнай училищеҕа үөрэнэр сылларыгар иккиэн училище олоҕор көхтөөхтүк кыттан, үчүгэй спортсмен, активист быһыытынан биллибиттэрэ. Арияна – «Мисс спорт-2024», Артем «Мистер училище-2024» буолбуттара. Иккиэн училище волейболга сүүмэрдэммит хамаандатыгар сылдьыбыттара.
Арияна Богдакумова соҕуруу Богуруслан, Санкт-Петербург, Бегишево улахан учебнай-тренировочнай авиапортарыгар пилот быһыытынан практикаларын үс сыл устата наар «туйгун» сыаналарга туттарбыта. Артем Кузьмин практикатын техник быһыытынан Дьокуускай, Маҕан авиапортарыгар «туйгуннук» ааспыта.
Онон ыччаппытын Гражданскай авиация училищетын ситиһиилээхтик бүтэрбиттэринэн эҕэрдэлээн туран, талбыт идэлэрин толору баһылаан, салгыы үрдэтинэн, авиация үлэһиттэрэ буолалларыгар баҕарабын.
Хаартыскалар: «Түүлээх» түмсүүттэн Надежда Громова
-
0
-
0
-
0
-
0
-
0
-
0
