Ол курдук, бүгүн сарсыарда Дьокуускай бириэмэтинэн 8 ч. уу таһымын үрдээһинэ: Витим бөһүөлэгэр 1033 см (950 см этэ); Пеледуй бөһүөлэгэр 1266 см (1200 см этэ) тиийдэ.
Билигин бу учаастакка уу ходуһаҕа таҕыста, намыһах сиргэ турар дьон олорор дьиэлэрин ылла. Гидрологтар кэтээн көрүүлэринэн, уу таһыма салгыы үрдүүрэ сабаҕаланар. Витим бөһүөлэгэр 1090-1110 см тиийэрэ, оттон Пеледуй бөһүөлэгэр 1320-1240 см диэри тахсара күүтүллэр.
Атын информационнай ханааллар уу таһыма үрдүүрүн, киин улуустарга от ыйын 20-22 күннэригэр кэлиэҕэ диэн сабаҕалааһыннары таһаарбыттар.
Ол курдук, Өлүөнэ сүнньүнэн Ленскэй уонна Өлүөхүмэ оройуоннарыгар күүстээх ардахтар тураннар, уу таһыма үрдээбитин бэлиэтииллэр. Ол курдук, Өлүөхүмэ оройуонун эҥэр сууккаҕа уу таһыма 1,5 миэтэрэттэн 2,7 миэтэрэҕэ тиийэ үрдүүрэ күүтүллэн, оттуур ходуһалар ууга барар кутталлаахтар.
Киин улуустарга уу таһыма от ыйын 20-22 күннэригэр үрдүүрэ сабаҕаланар. Онон Өлүөнэ сүнньүнэн сытар Хаҥалас, Мэҥэ Хаҥалас, Нам, Уус Алдан оройуоннарыгар уонна Дьокуускай куоракка күчүмэҕэйдэр үөскүөхтэрин сөп.
Бу туһунан гидрометеорологияҕа уонна тулалыыр эйгэни кэтээн көрүүгэ федеральнай сулууспа иһитиннэрэр диэн сигэммиттэр.
Хаартыска эрэдээксийэ архыыбыттан
-
0
-
0
-
0
-
0
-
0
-
0
