Өлүөхүмэттэн аллараа сүүрүгэр, Хаҥалас улууһун Иһит сэлиэнньэтигэр 12 чаас устатыгар 13 см түһэн, 1575 см тэҥнэстэ, кутталлаах таһыма 1992 см. Покровскай аннынан 12 чаас устата 6 см үрдээн 846 см тиийдэ, кутталлаах таһыма 1370 см. Дьокуускай аннынан уу 47 см кэлэн, 607 см тэҥнэстэ, кутталлаах таһыма 827 см. Суукка устатыгар Табаҕаҕа -27 см, Кангалааска – 50 см, 12 чаас устатыгар Пригороднайга -12 см үрдээтэ. Нам улууһун Граф Биэрэгэр 57 см кэлэн, 840 см тиийдэ, кутталлаах таһыма 950 см. Ымыйахтаахха 68 см үрдээн, 554 см тиийдэ.
Сунтаар улууһугар Бүлүү өрүскэ түһэр салаа үрэхтэргэ сайыҥҥы халаан уута тахсан төһө хоромньуну таһаарбытын ааҕыы барар. 150 олбуор уонна 46 олорор дьиэ ууга барбыта билиннэ. Халаан уутун содулугар Кэмпэндээйи, Туойдаах уонна Тэҥкэ сэлиэнньэлэрин икки ардыларыгар тырааныспар сырыыта тохтоото.
Дьааҥы өрүс салааларыгар Дьааҥы улууһун сиригэр-уотугар уу таһыма сорох сиргэ тахсар, атыҥҥа түһэр. Дьааҥы өрүскэ Баатаҕайга, Верхоянскайга суукка иһигэр 4 см таҕыста, Сайдыыга 21 см түстэ (2 олбуор ууга барда). Дьааҥы өрүс салааларыгар: Дулҕалаахха, Сартаҥҥа, Адыаччыга, Боруулаахха уу эриэ-дэхси түһэрэ бэлиэтэнэр.
Бытантай өрүскэ Эбээн Бытантай улууһун киинэ Баатаҕай Алыытын аннынан уу таһыма 24 см түстэ, сайыҥҥы халаан кэмигэр манна 24 олбуор ууга барбытыттан 22-тэ ууттан босхолонно. Аэропорт аттынааҕы АЗС уонна массыына тохтуур сирэ билигин да ууга тураллар. Кустуур, Дьарҕаалаах сэлиэнньэлэригэр уу таһыма түһэн, ууга барбыт сирдэр босхолоннулар. Манна арай Ассар диэн сиргэ суукка устатыгар 109 см үрдээтэ.
Уу таһымын намтааһына Өлүөнэ өрүскэ Ленскэй, Өлүөхүмэ улуустарыгар бэлиэтэнэр. Атын өрүстэргэ Нерюнгри, Өймөкөөн, Муома улуустарыгар уу түһэр. Индигиир өрүс баһыгар уу таһыма үрдүүр, ол гынан баран кутталлаах таһымыгар диэри балайда саппаастаах
Хаартыска СӨ Быыһыыр сулууспатын саайтыттан
-
0
-
0
-
0
-
0
-
0
-
0
