Хандьыдааттары туруорууга бэйэлэрин этиилэрин бэлитиичэскэй баартыйалар киллэриэхтэрин сөп. Бу баартыйалар Госдуума бүтэһик быыбарыгар мандааттары тыырыыга киллэриллибит эбэтэр Ил Түмэн билиҥҥи састаабыгар баар буолуохтаахтар. Ону тэҥэ бэйэлэрин этиилэрин Саха Сирин муниципальнай тэрээһиннэрин Сэбиэтэ, өрөспүүбүлүкэ уопсастыбаннай палаатата уонна Бүттүүн Арассыыйатааҕы олохтоох салайыныы сайдыытын Ассоциацията киллэрэр бырааптаахтар.
Кинилэр биир хандьыдааты туруоруохтарын сөп. Оттон хандьыдаат кинилэртэн биирдэригэр эрэ туруорунарын туһунан сөбүлэҥин биэриэхтээх. .
Хандьыдаатынан туруорунааччыга сүрүн ирдэбилинэн РФ кырасданьыына, талыллар бырааба хааччахтамматах буолуохтаах. Сайабылыанньаҕа боломуочуйалаах уорган туруорарын туһунан быһаарыыта, хандьыдаат сөбүлэҥэ, персональнай дааннайдара, дохуотун уонна баайын-дуолун туһунан сибиэдэнньэлэр, пааспарын, үөрэҕин, үлэтин туһунан докумуоннар куопуйалара, сууттаммытын (сууттамматаҕын) туһунан ыспыраапка, толоруллубут анкыата (4х6 см хаартыскалаах), сулууспатыгар мэһэйдиир ыарыыта суоҕун туһунан мэдиссиинискэй түмүктээһин, омук сиригэр счета уонна атын омук дойдуларын үп-харчы үнүстүрүмүөннэрэ суоҕун туһунан иһитиннэрии сыһыарыллан туттарыллыахтаахтар.
Докумуоннары кумааҕынан от ыйын 22 күнүттэн атырдьах ыйын 10 күнүгэр диэри Дьокуускай, Киров уулуссатын 11 дьиэтин, 18 кэбиниэтигэр, үлэ кэмигэр 9-18 ч туталлар. 8 (4112) 508-341, 508-479 контактарынан ыспыраапкалаһыахха сөп.
Хандьыдааттары туруоруу 33№-дээх федеральнай сокуонунан уонна СӨ олохтоох салайыныы туһунан сокуонугар олоҕуран ыытыллар.
-
0
-
0
-
0
-
0
-
0
-
0
