Быыбар туһунан сокуон чэрчитинэн, дойду парламенын быыбарыгар хандьыдааттары туруоруу кэмигэр «Арассыыйа хомуньуустара» бэлитиичэскэй баартыйаттан Ю Владимир Шиндикиевич, «Ийэ дойду» бэлитиичэскэй баартыйаттан Лаптев Алексей Иванович, «Зеленые» бэлитиичэскэй баартыйаттан Сыромятникова Анна Сергеевна туруорулуннуллар.
Санатан эттэххэ, от ыйын 16 уонна 22 күннэригэр Госдуума дьокутаатыгар «ЛДПР», «КПРФ», «Саҥа дьон» уонна «Кырдьыктах Арассыыйа» бэлитиичэскэй баартыйалартан туруоруллубут түөрт хандьыдаат эрэгистирээссийэлэммитэ.
Дьокуускайдааҕы 29 №-дээх биир мандааттаах быыбардыыр уокуруктан докумуоннарын барыта 10, ол иһигэр биир бэйэтэ туруоруммут хандьыдаат биэрдэ. Уокуруктааҕы быыбардыыр хамыыһыйата туруоруллубут хандьыдааттары эрэгэстэрээссийэлээһин түһүмэҕин түмүктүүр. Урут бэйэтэ туруоруммут Антон Васильев бу быыбарга салгыы кыттартан аккаастанар туһунан быыбар хамыыһыйатыгар киллэрбит сайабылыанньата чугастааҕы мунньахха көрүллүөҕэ диэн иһитиннэрэллэр.
Хаартыска СӨ Киин быыбардыыр хамыыһыйатын саайтыттан
-
0
-
0
-
0
-
0
-
0
-
0
