Куонкуруска  үрдүк үөрэх кыһаларын, кэллиэстэрин устудьуоннара, оскуолалар үөрэнээччилэрэ, эдэр учуонайдар уонна исписэлиистэр, урбаан уонна учуонайдар эйгэлэрин бэрэстэбиитэллэрэ кыттыахтарын сөп. Куонкурус - идэни баһылаан саҥаттан саҥа үктэлгэ тахсыы, карьераны оҥорууга хардыы. Саҥа уопуту, саҥа идиэйэни биэрэр, уларыйарга уонна улаатарга баҕаны үөскэтэр. Куонкуруска кыттыы - судургутук быһаарыы ылыммытын туһунан кэпсээн эрэ буолбатах, хайдах гынан олоххо киллэрэргин  уонна саҥа уопуту ылынаргын билиһиннэрии, атыттары кытта үллэстии.

Куонкурус икки түһүмэхтээх: бастакы - кэтэхтэн, 2025 сыл ахсынньы 1 күнүттэн 2026 сыл балаҕан ыйын 20 күнүгэр диэри;  иккис - бэйэ кыттыытынан, 2026 сыл алтынньы 28-тан 30-гар диэри  Санкт-Петербург куоракка.

Кыттааччыларга кыһалҕалаах (проблемалаах) боппуруостары дьүүллэһии уонна чопчу биир быһаарыныыны ылынар сорук турар. Ол ылыммыт быһаарыныы куорат, эрэгийиэн уонна дойду да олоҕун уларытыан сөп диэн толкуйдуохтааххын.  Онуоха кыттааччы ылыммыт былаанын сөпкө, өйдөнөр гына кэпсиэхтээх, суруйуохтаах. Чопчу соругу хайдах толорорун уонна салгыы тугу гынарын сөпкө, ырылхайдык билиһиннэриэхтээх. Ылыммыт былаана, стратегията кыһалҕаны быһаарарга хайдах дьайыахтааҕын толору көрдөрүөхтээх. Онно сөптөөх быһаарыныыны ылыныы уустук буоларын учуоттуохтаах.

Куонкурус номинацияларын билиһиннэрдэххэ: «Мин быһаарыныы ылынарга үөрэнэбин», «Мин патриот буолуоҕум», «Мин быһаарыныым -бэйэбин кытта үлэлиэхтээхпин», «Доҕотторбун кытта бииргэ ылыммыт быһарыныыбыт», «Мин үтүө көмөһүт (волонтер) буоларга быһаарынным», «Мин быһаарыныым- инновация! Наука хамсатар күүс!», «Мин социальнай быһаарыныым», «Мин элбэх оҕолоох ийэ/аҕа буоларга быһаарынным» уо.д.а.

Куонкуруска эдэр кыраасданнар кытталлар, саастарынан маннык араарыллаллар: 6-9 саастаахтар, 10-13 саастаахтар, 14-17 саастаахтар, 18-35 саастаахтар.

Куонкурус кыайыылаахтарын идэтийбит жюри быһаарар. Кыайыылаахтар I II III истиэпэннээх Дипломнарынан наҕараадаланаллар. Иккис түһүмэххэ тахсыбыттарга кыттыбыт туһунан сэртипикээт туттарыллар. Иккис түһүмэх кыттааччыларын настаабынньыктарыгар Бүттүүн Арассыыйатааҕы куонкурус «Бырайыак научнай салайааччыта» Махталы тутуохтара.

Куонкурус официальнай саайта:

https://россия-территория-развития.рф/moyastrana_moireshenia.

Тэрийэр Кэмитиэт контактара:

тел.+7 (495) 606-85-31, +7 (926) 946-27-33, электроннай почтата: Адрес электронной почты защищен от спам-ботов. Для просмотра адреса в вашем браузере должен быть включен Javascript..

Куонкурус официальнай саайтын киириитэ: