Быйыл сайын өрөспүүбүлүкэ соҕуруулуу-арҕаа өттүгэр уһун, дохсун ардахтар түһэн, Өлүөнэ эбэ хаатыттан тахсан тыа хаһаайыстыбатынан дьарыктанар Өлүөхүм улууһун хочо эҥэр сирдэрэ ууга баран улахан хоромньуну таһаарда. Онон Хоро олохтоохторун кытта көрсүһүүгэ оттооһун боппуруоһа сүрүн кыһалҕа быһыытынан көрүлүннэ диэн "Олекма" хаһыат саайтыгар суруйар.
Ол иннинэ норуот дьокутаата Өлүөхүмэ дьокутааттарын оройуоннааҕы Сэбиэтин бэрэссэдээтэлэ Афанасий Антоновы кытта нэһилиэк хаһаайыстыбалара оттуур ходуһаларыгар сылдьан блаһыанньаны кытта билистэ. Хоролор оттуур ходуһалара үгүстэрэ арыыларга баар буолан, ардах халаанын кэмигэр тахсыбыт ууга баран тураллар.
- Сааскы халаан курдук таһымнаах уу кэлэн, оттуур кэм болдьоҕо кылгас бэйэтэ өссө кылгаата, аны от хаачыстыбыта да мөлтөөтө. . Нэһилиэк оттуур ходуһата барыта арыыларга баарынан уонна олохтоохтор оттооһуҥҥа тиэхиньикэни тутталлара эмиэ туспа күчүмэҕэйдэрдээх, балаһыанньа уустук, -диэн туран Алексей Колодезников. - Чугастааҕы кэмҥэ кыстыырга төһө туонна от тиийбэтин чуолкайдаан, комбикуорум, эбиэс төһө наадатын быһаара охсон судаарыстыыбаттан көмө миэрэлэрин ылынар наада. Ону кытта көһө сылдьар биригээдэлэри тэрийэн ыраах учаастактарга оттооһуну тэрийэри көрүөҕүҥ диэтэ.
Көрсүһүү кэмигэр өрүһүнэн сырыы, таһаҕаһы тиэйии-таһыы боппуруоһа туруоруллан көрүлүннэ. Хоро нэһилииэгин олохтоохторугар ол биир тыын боппуруоһунан буолар. Билигин сылдьар чааһынай «Ярославскай» теплоход атырдьах ыйыгар өрөмүөҥҥэ барарынан пассажирдары таһыы тохтуохтаах. Аны обургу уйуктаах «Валдайдар», «Метеордар» тохтуохтарын дебаркадер суоҕа моһуоктуур. Онон олохтоохтор мотуордаах оҥочону булан, кэпсэтэн сүрүн үөһүнэн ааһар теплоходтарга тиийиэхтэрин наада. Боппуруос устук буолан, салгыы эбии варианнары тобулар туһунан быһаардылар.
Алексей Колодезников көрсүһүү кэнниттэн тутулла турар амбулаторияны көрөн, тутуу хаамыытын билистэ. Мэдиссиинэ эбийиэгэ бу сылга үлэҕэ киллэриллиэхтээх. Олохтоохтор амбулаторияны тутууну туруорсубуттара ыраатта.
Хаартыскалар "Олекма" хаһыат саайтыттан.
-
0
-
0
-
0
-
0
-
0
-
0
