Ол курдук «Школа 14» баазатыгар «Оҥоһуу өй төрүттэрэ үлэ бырассыаһыгар: мадьыаллар уонна ааҕыннар» бырагырааманан босхо үөрэтии саҕаланна.
Үөрэх атырдьах ыйын устатыгар үс түһүмэҕинэн ыытыллыаҕа. Манна судаарыстыбаннай былаас уорганнарын, олохтоох салайыныы уонна өрөспүүбүлүкэ тэрилтэлэрин бэрэстэбиитэллэрэ үөрэнэллэр.
Бу бырагыраама оҥоһуу өй үнүстүрүмүөннэрин үлэҕэ сатаан туттарга, быраактыканы барарга аналлаах. Ол курдук кыттааччылар оҥоһуу өй-мадьыалларын туһанарга, оҥоһуу өй- ааҕыннарын сатаан оҥорорго, көннөрөн биэрэргэ үөрэниэхтэрэ. Эбии үлэ бырассыастарын автоматизациялыырга уонна араас нейро ситим кыахтарын күннээҕи үлэҕэ туттарга сатабыл ылыахтара.
Үөрэтии үс күннээх интенсивнэй көрүҥүнэн барар. Бастакы күн автоматизациялааһын төрүт платформатын кытта билсиэхтэрэ. Иккис күн оҥоһуу өй -ааҕыннарын оҥоруохтара, көннөрөн биэриэхтэрэ. Үһүс күн ылыммыт үнүстүрүмөннэрин быраактыкаҕа, үлэҕэ хайдах тутталларын көрдөрүөхтэрэ.
Үөрэтии түмүгэр чопчу дьиҥнээх үлэ соругун тиэхиньиичэскэй прототибын оҥорор бырайыагы хамаанданан көмүскүөхтэрэ.
«Оҥоһуу өй күннээҕи үлэҕэ туттар үнүстүрүмүөн буолан иһэр. Кини информацияны ырытарга, анаалыстыырга уонна күннээҕи үлэни автоматизациялыырга, көдьүүһүн үрдэтэргэ көмөлөһөр.
Саха Сиригэр бу технологиялар былаас уорганнарын, муниципалитеттар уонна тэрилтэлэр үлэлэрин бырассыаһыгар киирэрэ олус суолталаах. Ол иһин биһиги сүрүн болҕомтону теорияны үөрэтиигэ эрэ буолбакка, үлэҕэ , быраактыкаҕа тута туттарга уурабыт», -диэн СӨ инновацияҕа, сыыппара сайдыытыгар уонна инфокоммуникационнай технологияларга миниистирэ Петр Николаев бэлиэтиир.
Хаартыскалар СӨ инновацияҕа, сыыппара сайдыытыгар уонна инфокоммуникационнай
технологияларга министиэристибэтин мах-ханаалыттан.
-
0
-
0
-
0
-
0
-
0
-
0
