Роснедра баһылыга Олег Казанов бэлиэтээбитинэн, саппаас улаатыыта саҥа алмаастаах сирдэри булууттан эрэ буолбакка, хаттаан геологическай көрдөөһүнү ыытыыттан уонна билигин хостоно турар сирдэри саҥаттан сыаналааһынтан тутулуктаах.  

Алмааһы тэҥэ дойдуга платиноидтар саппаастара 12 туоннаттан тахса, кыһыл көмүс саппааһа 180 тн кэриҥэ улаатта. Ол туһунан Роснедра баһылыга Олег Казанов балаҕан ыйын 1-4 күннэригэр Владивостокка буолаары турар норуоттар икки ардыларынааҕы Илиҥҥи экэнэмиичэскэй пуорум иннинэ ТАСС-ка интервьютугар билиһиннэрдэ.

«Кытаанах сир баайын сүрүн көрүҥнэригэр: 102,4 мөл карат алмааһы, 12,1 тн платиноидтары, 176,6 тн кыһыл көмүһү, 1,4 тыһ тн үрүҥ көмүһү, 340 тыһ тн алтаны, 273,1 тыһ тн цинкэни, 48,8 тыһ тн сибиниэһи, 133,3 мөл тн тимир уруудатын, 163,4 мөл тн таас чоҕүн уо.д.а. улаатыннардыбыт», - диэтэ кини. Казанов ордук эбии геологическай көрдөөһүнү уонна билигин хостоно турар сирдэри саҥаттан сыаналааһыны ыытыы түмүгүнэн бу улаатыы ситиһилиннэ диэн эттэ.   

Хаартыска ЯСИА