Бу ыччаты патриотическай иитиигэ суолталаах хардыынан буолар. Тэрээһин аны биир ый курдугунан, алтынньы 8–11 күннэригэр, Дьокуускай куорат таһынааҕы «Сулус» полигон былаһааккатыгар буолуоҕа. Күрэхтэһиини тэрийээччилэринэн РФ Бэрэсидьиэнин Уһук Илиҥҥэ боломуочуйалаах бэрэстэбиитэлин аппараата, Арассыыйа бойобуой снайпиҥҥа федерацията, «ВОИН» ыччаты байыаннай-спортивнай бэлэмнээһиҥҥэ уонна патриотическай иитиигэ киинэ уонна СӨ Бырабыыталыстыбата буолаллар. Кылаабынай судьуйа Юрий Трутнев — РФ вице-премьерэ, УИФОҕа Бэрэсидьиэн боломуочуйалаах бэрэстэбиитэлэ.
Күрэхтэһии бырагырааматын чэрчитинэн, кыттааччылар тургутуулары эрэ буолбакка, үөрэтэр эрчиллиилэри эмиэ ааһыахтара. Ол курдук, күнүскү уонна түүҥҥү ытыы көрүҥнэрэ бааллар уонна уустук усулуобуйаҕа тулуурдаах уонна чопчу үлэлиир үөрүйэхтэри көрдөрүүгэ аналлаах эбии сорудахтар баар буолуохтара. Бу сонун сүүрээн ыччаты дойдуга бэриниилээх буолууга иитиигэ дьоһуннаах хардыынан ааҕыллар.
Фёдор Охлопков кэриэһигэр ыытыллар турнир 2024 сылтан ыытыллар. Холобура, былырыын манна Арассыыйа араас эрэгийиэннэриттэн 130-тан тахса кыттааччы кэлэн кыттыбыт. Бары интэриэстээх дьон сайаапкаларын балаҕан ыйын 20 күнүгэр диэри биэриэхтэрин сөп.
- Электроннай почта (сайаапкалар): Адрес электронной почты защищен от спам-ботов. Для просмотра адреса в вашем браузере должен быть включен Javascript..
- Логистика уонна атын боппуруостар: Тел.: +7 (926) 860-10-18. Почта: Адрес электронной почты защищен от спам-ботов. Для просмотра адреса в вашем браузере должен быть включен Javascript..
Хаартыска: ЯСИА.
-
0
-
0
-
0
-
0
-
0
-
0
