Ил Түмэн Бэрэссэдээтэлин солбуйааччы, байыаннай сулууспалаахтар, байыаннай дьайыы бэтэрээннэрин дьыалаларыгар, Аҕа дойдуга бэриниилээх буолууга иитиигэ уонна уопсастыбаннай түмсүүлэр боппуруостарыгар сис кэмитиэт бэрэссэдээтэлэ Александр Подголов бэтэрээннэри эҕэрдэлээтэ.
«Эһиги көлүөнэҕит сэрии кэннинээҕи ыарахан кэми туораан, тыа хаһаайыстыбатын, бырамыысыланнаһы өрө таһаарбыта, дьиэ-уот тутан, сарсыҥҥы олох бигэ туругун укулаатын уурбуккут. Үгүстэр билигин даҕаны өрөспүүбүлүкэ олоҕор көхтөөхтүк кытталлар, бэйэҕит үтүө холобургутунан эдэр ыччаты иитэҕит, уопсастыбаны түмэҕит. Килбиэннээх үлэҕит, олоххо муударай көрүүгүт, тулуурдаах, дьулуурдаах майгыгыт иһин муҥура суох махтанабыт!», — диэтэ Александр Подголов.
Вице-спикер өйдөбүнньүк бэлэхтэри быйыл үбүлүөйдэрин бэлиэтээбит Альбина Иннокентьевна Поисееваҕа, Иван Ильич Николаевка, Николай Николаевич Костромиҥҥа, Ольга Ивановна Петроваҕа, Дмитрий Васильевич Саввиҥҥа туттартаата.
Көрсүһүүгэ бэтэрээннэр санааларын үллэстэн, ирэ-хоро кэпсэтэн, уруккуну-хойуккуну санаһан, өрөспүүбүлүкэ экэниэмикэтэ сайдарыгар бэйэлэрин көрүүлэрин этэн, астынан-дуоһуйан тарҕастылар.
Ол туһунан сиһилии https://iltumen.ru/news/28232 киирэн ааҕыҥ.
Василий Кононов хаартыскаҕа түһэриитэ.
-
0
-
0
-
0
-
0
-
0
-
0
