.jpg)
- СӨ Бырабыыталыстыбата уонна «Полярные авиалинии» авиахампаанньа кэпсэтэннэр, «Саха Сирин олохтооҕун каартата» нөҥүө хотугу эргимтэ улуустарын олохтоохторугар субсидияламмыт билиэттэри атыылыыллар. Хас биирдии риэйсэҕэ 9 миэстэ көрүллэр. Биир киһи ити каартанан куруук туттуон сөп, чэпчэтиилээх билиэт элбэх киһиэхэ тигистин диэн сылга биирдэ туттар курдук бэрээдэк олохтообуттара.
Красноярскай кыраайга пуорумҥа бара сылдьан көрбүппүт бэйэлэрин бааннара Аартыка олохтооҕун каартатын оҥорбут, онно туох баар чэпчэтиилэрин харчытын барытын ыыталлар эбит.
Биһиги бэйэбит эрэгийиэммитигэр араас хайысхалаах чэпчэтии баар, онон итинник каарта баара бэрт табыгастаах, итини өссө сайыннаран, ситэрэн-хоторон биэрэр тоҕоостоох. Үөрэхтээһин, доруобуйа харыстабылын салаатыгар көрүллэр чэпчэтии ол каарта нөҥүө барыан син.
Субсидиялаах билиэккэ тиксэргэ, бастатан туран, Аартыка улууһугар пропискалаах буолуохха наада. Күн бүгүн Өлөөҥҥө диэри субсидиялаах билиэт сыаната 32 000 – 34 000 солк., толору тарыып 59 000 – 60 000 солк. Риэйсэҕэ тоҕус эрэ субсидиялаах билиэт тахсар буолан, дьон барыта кыайан тииспэт. Инникитин биһиги субсидиялаах билиэт ахсаана элбиирин туһугар үлэлэһиэхпит.
Хаартыска: Ил Түмэн саайтыттан уонна "Полярные авиалинии" пресс-сулууспата.
-
0
-
0
-
0
-
0
-
0
-
0
