— Халтараан буолуута саастаах дьоҥҥо ордук сэрэхтэээх. Саамай сүрүнэ атах таҥаһа бу дьыл кэмигэр сөп түбэһэр буолуон наада. Хобулуктан, платформалаах, хаптаҕай уллуҥнаах атах таҥаһыттан аккаастанар ордук. Протектордаах бачыыҥка эрэбил.
— Килэркэй мууһунан хааман иһэн болҕомтолоох буоларгыт ирдэнэр. Телефонунан кэпсэтэргитин тохтотуҥ, солуута суох телефоҥҥутун көрөр наадата суох.
— Атаххыт аннын көрөн хаамыҥ. Ыксаабакка, аргыый сылдьыҥ. Атаххытын үөһэ быраҕан хаамымаҥ. Кыратык хардыылыыр үчүгэй.
— Илиигитин сиэпкитигэр уктубакка хаамыҥ. Охтор түгэҥҥитигэр тирэххитин (равновесие) буларгытыгар илиигит көмө буолар.
— Суолу туоруургутугар ордук сэрэхтээх буолуҥ. Суолу сүүрэн туораамаҥ.
— Бу дьыл кэмигэр тротуардар, маҕаһыыҥҥа, дьиэҕэ, автобуска киирэр кирилиэстэр мууһунан бүрүллэллэр. Ол иһин, үгүс дьон бу манна охтон эчэйиини ылар.
Халтарыйан охтубут түгэҥҥэр:
— Тутатына турарга тиэтэйимэҥ. Бастаан төһө улаханнык эчэйбиккин быһаарыаххын наада.
— Ойоҕоскутунан охто сатааҥ. Бу маннык охтууттан улахан эчэйиини ылбаккыт.
— Былчыҥа күүрэн охтубут киһи ордук күүстээх эчэйиини ылар.
— Охторгутугар илиигитигэр тирэнимэҥ. Илиигитин харыстаан.
— Охтуу түгэнигэр өйгүтүн сүтэрбит буоллаххытына суһал көмө кэлиэр диэри сытаргыт ирдэнэр.
Уҥуох тостуутун түгэнигэр олус күүстээх, киһи тулуйбат ыарыыта эккитин-сииҥҥитин бүрүйэр. Атаххытыгар сатаан тирэммэт буолаҕыт, илиигит эмиэ хамсаппат буолар. Өйдүөххэ наада: охтуу кэнниттэн көннөрү эчэйии ыллым дии санаатаххына, ол эрээри, этиҥ-сииниҥ иһиитэ 3-4 күнүнэн ааспат түгэнигэр бырааска көрдөрүнэрин булгуччулаах.
Ол туһунан "Сунтаар сонуннара" иһитиннэрэр, хаартыска "Сунтаар сонуннарын"саайтыттан.
-
0
-
0
-
0
-
0
-
0
-
0
