Саҥа бэрээдэгинэн, эппэкиин эбэтэр попечитэл статуһун бигэргэтэр докумуон ирдэммэт буолар. Ити сибидиэнньэни судаарыстыба уорганнара бэйэлэрэ ЕГИССО систиэмэтиттэн (Единая государственная информационная система социального обеспечения) ылыахтара. Билигин ити систиэмэҕэ 2020 сыл бүтүөр диэри Арассыыйа Федерациятын бары эппэкииннэрин, попечитэллэрин, төрөппүттэрин туһунан дааннайдар хомулла тураллар.
Саҥа быраабыла үлэҕэ киирдэҕинэ, эппэкиин эбэтэр попечитэл эппиэкэҕэ сылдьааччытын аатыттан оҕо босуобуйатыттан саҕалаан босхо парковкаҕа, чэпчэтиилээх эмкэ, мэдииссиинэ оҥоһуктарыгар, эмтээх аһылыкка тиийэ араас хабааннаах босуобуйалары, чэпчэтиилэри электроннай көрүҥүнэн оҥорторор кыахтаныаҕа.
Ону сэргэ, ЕГИССО эппиэкэҕэ сылдьааччылар бырааптарын көмүскүөҕэ. Ол курдук, өскөтүн кинилэр ааттарыттан эппэкиин эбэтэр попечитэл дьиэ-уот атыылыыр эбэтэр онно сөбүлэҥ биэрэр буоллаҕына, судаарыстыбаннай систиэмэ барытын бэрэбиэркэлиир буолуоҕа.
-
0
-
0
-
0
-
0
-
0
-
0
