Тускул билгэтэ: Ороһуоспаҕа халлаан тымныйар
Издательский дом Редакция Подписка
Погода в Якутске: . 1 oC

Саҥа дьыл түүнүн кэнниттэн Дьокуускай куораккка икки күн курдук сылыйа сылдьан баран, эмиэ тымныйда. Дьокуускайга эрэ буолбатах, киин улуустарга барыларыгар.

Саҥа дьыл түүнүн кэнниттэн Дьокуускай куораккка икки күн курдук сылыйа сылдьан баран, эмиэ тымныйда. Дьокуускайга эрэ буолбатах, киин улуустарга барыларыгар.

Күн-дьыл туругун билгэһитэ Тарас Лукич – Тускулга  суотабайыгар эрийэн билсибиппитигэр, «Тохсунньуга тымныйыахтааҕын тымныйар, ол ордук киин улуустарга билиннэ. Төттөрүтүн, хоту сылыйда. Холобур, Дьааҥыга 34 кыраадыс тымныы», -- диэн  кэпсээн иһэн,  саҥа сыл тохсунньу ыйдааҕы күн-дьыл туругун эрдэ суруйан бэлэмнээбитин ыытыах буолла. Ол ыыппытын эһиги болҕомтоҕутугар таһаарабыт. 

маны тускул фото

Киин улуустар:

Саҥа дьыл түүн киин улуустарга -46,  күнүс -41 кыраадыс буолбута,  ороһуоспа түүн (тохсунньу 7 күнүгэр)  -52,  күнүс -45 кыраадыс буолуоҕа.

Киин улуустарга былырыын улахан тымныылар түспүттэрэ, онон тохсунньу онтон хаалсыбата буолуо. Тохсунньу I декадата күнүс -43, -40 кыраадыс тымныы, түүнүн -45, -50 тымныы буолуоҕа.  II декадаҕа улахан тымныылар түһүөхтэрэ,  күнүс -37, -40 кыраадыска, түүнүн  -43, -47 кыраадыска диэри тымныйыаҕа. III декадаҕа күнүс -37, -40, түүнүн  -43, -40 кыраадыска диэри түһүөҕэ.

Бүлүү бөлөх улуустар:

 Саҥа дьыл түүн Бүлүү бөлөх  улуустарга -30,  күнүс -29 кыраадыс буолбута. Ороһуоспа түүн -48,  күнүс -40 кыраадыс буолара күүтүллэр.

Бүлүү бөлөх улуустарга урукку сыллардааҕар балай да тымныйда. Тохсунньу I декадата күнүс -33, -36, түүнүн  -43, -47 тымныы буолуо. II декадаҕа күнүһүн -28, -33, түүнүн  -36, -38  кыраадыс тымныйар. III декадаҕа күнүс -27, -29, түүнүн  -34, -37 кыраадыска диэри түһүөҕэ. Улахан сөҥүү суох,  хаар кэмчи соҕус буолар.

Өлүөхүмэ, Алдан, Нерюнгри:

Саҥа дьыл түүн соҕуруулуу-арҕаа улуустарга түүн -31,  күнүс -28 кыраадыс буолбута.  Ороһуоспа түүн -50,  күнүс -30 кыраадыска диэри түһүөҕэ. Өлүөхүмэ  улуустара былырыын ахсынньыга тымныйбатахтарын тымныйдылар, онон саҥа сылга тохсунньу ый онтон хаалсыа суоҕа. Тохсунньу I декадатыгар күнүс -37, -31, түүнүн  -40, -48 кыраадыс тымныйыаҕа. II декадаҕа  күнүс -25, -30, түүнүн   -30, -34  кыраадыска диэри түһүөҕэ. III декадаҕа күнүс -38, -30, түүнүн 38-30 кыраадыс тымныйар.  

 

ӨЙМӨКӨӨН УЛУУҺА:

Саҥа дьыл түүн Өймөкөөҥҥө -47,  күнүс -44 кыраадыс буолбута.  Ороһуоспа түүн  -44,  күнүс -41 кыраадыска диэри тымныйыа. Өймөөкөөн улууһугар былырыын ахсынньы ый урукку сылларга холоотоххо, сымнаһыар буолбута. Саҥа сыл   тохсунньутун  I декадата тымныы буолуоҕа,  күнүс -44, -50, онтон түүнүн -52, -47 кыраадыс тымныйыаҕа. II декадаҕа улахан тымныылар түһүөхтэрэ,  күнүс -46-47, түүнүн  -47,  - 53 кыраадыска тиийиэҕэ. III декадаҕа күнүс -45, -48, түүнүн  -47,- 51кыраадыска тиийэ түһүө.

Дьааҥы улууһа:

 

Саҥа дьыл түүн Дьааҥыга -45,  күнүс -40 кыраадыс тымныы буолбута.  Ороһуоспа түүн -50,  күнүс-45 кыраадыс буолара күүтүллэр.   Быйылгы кыһын уратыта диэн Дьааҥыга Аартыка салгынын сабыдыалынан урукку курдук тоһуттар тымныылар түһүөхтэрэ суоҕа, бу халлааммыт уларыйыытын кытта сибээстээх. Тохсунньу  I декадата тымныы буолар,  күнүс -45, -48, түүнүн  -48, -53  кыраадыска диэри түһүө, кыраһа хаардаах буолуоҕа. II декадаҕа улахан тымныылар түһүөхтэрэ,  күнүс -45, -48, түүнүн  -50, -53  кыраадыска диэри түһүөҕэ. III декадаҕа күнүс -43, -47,   түүнүн  -45, -50 кыраадыс тымныйыаҕа.

Абый, Муома, Халыма, Үөһээ Халыма, Аллараа Халыма, Алаһыай улуустара:

Саҥа дьыл түүн Халыма-Индигиир улуустарыгар -46,  күнүһүн -43 кыраадыс буолбута.  Ороһуоспа түүн -41,  күнүһүн -34 кыраадыс тымныйара күүтүллэр. Халыма-Индигиир эҥээр улуустарга былырыын  ахсынньы  сымнаһыар буолбута. Бу быйыл тохсунньу ый I декадата тымныйыаҕа,  күнүс -31, - 38 кыраадыс, түүнүн  -40, -44 кырадыыс тымныы буолара күүтүллэр,  кыраһа хаардаах буолуо. II декадаҕа улахан тымныылар түһүөхтэрэ, күнүс -38, -40, түүнүн  -43, -47 кыраадыска тиийиэ. III декадаҕа күнүс -36, -40, түүнүн -42, -45 кыраадыска тиийэ тымныйыаҕа.

 

 Анаабыр, Өлөөн, Тиксии:

 Саҥа дьыл түүн  Аартыка улуустарыгар -25, күнүс -21 кыраадыс буолбута.  Ороһуоспа түүн -35,  күнүс -27 кыраадыс буолара күүтүллэр.  Аартыка улуустарыгар былырыын ахсынньы урукку сыллардааҕар сымнаҕас соҕустук ааспыта. Онон быйыл  тохсунньу ый сөбүгэр соҕустук тымныйыаҕа.  I декадаҕа тымныйар,  күнүс -25, -37 кыраадыс тымныы, түүнүн  -36, -40  кыраадыска диэри түһүө,  кыраһа хаардаах буолуоҕа. II декадаҕа улахан тымныылар түһүөхтэрэ,  күнүс -32, -36, түүнүн  -36, -40  кыраадыс тымныйыаҕа. III декадаҕа күнүс -29, -35, түүнүн  -32, -37 кыраадыс тымныйара күүтүллэр .

Тохсунньу ыйбыт сүнньүнэн киин улуустарга балай да тымныйыыһык, оттон Бүлүү  бөлөх уонна хоту улуустарга арыый да сымнаһыар буолуоҕа. Былырыын тохсунньу урукку сыллардааҕар сылаас этэ. Кириһиэнньэ тымныылара түспэтэхтэрэ,  быйыл да Кириһиэнньэ саҕана тымныы намтыаҕа.

Күммүт былырыын ахсынньы 25 күнүттэн уһаан барбыта:

Саҥа дьыл күн (тохсунньу 1 күнүгэр) – 10 м. уһуур.

Ороһуоспаҕа (тохсунньу 7 күнүгэр) – 30 м. уһуур.

Кириһиэнньэҕэ (тохсунньу 19 күнүгэр) – 1 ч. 17 м. уһуур.

Бастакы Охонооһойопко (тохсунньу 31 күнүгэр) – 2 ч. 19 м. уһуур                  

Тускул

 

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости