Бүгүн 17 чааска «Пять звезд» диэн элбэх уонна улахан сүүйүүлэрдээх лотерея оонньонуохтаах эбит да, оонньоммотох. Тэрийээччилэр этэллэринэн, ыраах сытар улуустарга атыыламмыт лотерея билиэттэрэ кыайан, Дьокуускай куоракка аҕалыллыбатахтар. Ол иһин, лотереяны оонньотууну тохсуннньу 7 күнүгэр, Ороһуоспаҕа, көһөрөргө күһэллибиттэр. Тэрийээччилэр баар балаһыанньаны дьон-сэргэ өйдүүрүгэр көрдөспүттэр. Бары билэрбит курдук, маннык хабааннаах лотереялар буолаллара олус элбээтэ. Биллэн турар, тэрийээччилэргэ үтүмэн үбү-харчыны тэбэн эрдэҕэ. Саамай сүрүнэ, ол ыраах сытар улуустарга атыылаһыллыбыт билиэттэр сүрүн оонньонуохтаах аадырыһы -- Дьокуускай куораты -- булаллара буолуо дуо?
- 0
- 0
- 0
- 0
- 0
- 0