“Хааччахтааһыны эмиэ киллэрдибит. Арай Турция Аккуятыгар атомнай электростанцияны тута барар биригээдэлэри икки рейсинэн Стамбулга ыытыахпыт”, -- диэтэ вице-премьер.
Туроператордар ассоциациялара иһитиннэрбитинэн, сырыы сабыллар ити кэмигэр номнуо 533 200 киһи путевка Турцияҕа ыла охсубут. Олор хайысхаларын уларыталларыгар эбэтэр атын кэмҥэ көһөртөрөллөрүгэр сүбэлииллэр. Сайыҥҥы ыйдарга ылбыттар күн аайы суһал информацияны кэтии сылдьыахтарын наада. Оттон билигин Турцияҕа сылдьааччылар ыксаабакка сынньаналларыгар эттэ. “Кэлэр болдьохторугар кэлиэхтэрин сөп”, -- диир.
Арассыыйа туриндустриятын сойууһун пресс-сэкирэтээрэ Ирина Тюрина: “Ыам ыйдааҕы өрөбүллэргэ ханна сынньана барар уустук боппуруос буолла. Сочига уонна Крымҥа билиэт барыта атыыламмыта, көстүүнэйдэр сайаапканан туолан тураллар. Ити өрөбүллэргэ Арассыыйаттан аҥаардас Турцияҕа 200 тыһыынча киһи барыахтаах этэ”, -- диэтэ.
Ростуризм иһитиннэрбитинэн, судаарыстыба туроператорга көмөлөһөр соруктаах.
-
0
-
0
-
0
-
0
-
0
-
0
