Издательский дом Редакция Подписка
Погода в Якутске: . -11 oC

Балаҕан ыйын 28 күнүгэр Горнай улууһун Бэс Күөлүгэр ойуур баһаардарыттан эмсэҕэлээбит олохтоохторугар Екатерина Дмитриевна уонна Алексей Алексеевич Саввиновтарга саҥа дьиэлэрин күлүүһүн туттардылар. Кинилэр биир бастакынан саҥа дьиэҕэ киирэр дьоллоннулар. 

Балаҕан ыйын 28 күнүгэр Горнай улууһун Бэс Күөлүгэр ойуур баһаардарыттан эмсэҕэлээбит олохтоохторугар Екатерина Дмитриевна уонна Алексей Алексеевич Саввиновтарга саҥа дьиэлэрин күлүүһүн туттардылар. Кинилэр биир бастакынан саҥа дьиэҕэ киирэр дьоллоннулар. 

Санатан аһардахха, атырдьах ыйын 7 күнүгэр Бэс Күөлүн “Кэскил” түөлбэтэ ойуур баһаарыгар умайбыта. 30 олорор дьиэ уонна 8 хаһаайыстыбаннай тутуу күдэҥҥэ көппүттэрэ. Онуоха Саха Өрөспүүбүлүкэтин салалтата эмсэҕэлээбиттэргэ толору көмөнү оҥорорун туһунан мэктиэлээбитэ. Инньэ гынан, билигин бөһүөлэк умайбыт түөлбэтигэр тутуу тигинэччи бара турар.

Екатерина уонна Алексей Саввиновтар саҥа дьиэлэрин күлүүһүн Ил Дархан Айсен Николаев илиититтэн туттулар.

WhatsApp Image 2021 09 28 at 10.35.36

“Аан бастаан дьон итэҕэйбэтэҕэ. Бачча кылгас кэм иһигэр дьиэлэри тутуохтара дии санаабатахтара. Ол эрээри, билигин бөһүөлэккэ тутуу өрө күүрүүлээхтик бара турар. Ити бары сомоҕо күүс буолан ыарахаттары барытын кыайар кыахтаахпытын көрдөрөр”, – диэн Ил Дархан бэлиэтээтэ.   

Айсен Сергеевич “Алроса” уонна Роснефть хампаанньалар салалталарыгар махтанна. Кинилэр өрөспүүбүлүкэ салалтатын көрдөһүүтүн тута ылынан, нэһилиэги сөргүтүүгэ 200 мөл. уонна 25 мөл. солк. ыыппыттар. Маны сэргэ, Ил Дархан доброволецтар штабтарыгар махталын тиэртэ. Кинилэр уопсайа 7 мөл. 800 тыһ. солк. хомуйбуттар. Ити харчынан ыаллар мал-сал ылыналлара былааннанар.

WhatsApp Image 2021 09 28 at 08.42.01 960x640

“Биһиги саҥа дьиэбит сырдык, сылаас уонна үтүө суобастаахтык тутуллубут. Мантан ыла дьиэбит иһин оҥостуохпут. Арассыыйа уонна Сахабыт сирин былаастарыгар, дойду Бэрэсидьиэнигэр Владимир Путиҥҥа уонна Ил Дархаммытыгар Айсен Николаевка муҥура суох махтанабыт”, – диэн Екатерина уонна Алексей Саввиновтар махталларын биллэрдилэр.

Даҕатан эттэххэ, Бэс Күөлүгэр уопсайа 34 саҥа дьиэ тутуллуохтаах. Былаан быһыытынан тутуу уонна өрөмүөн үлэлэрэ алтынньы 15 күнүнэн түмүктэниэхтээхтэр.

СИА матырыйаалынан.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23