Издательский дом Редакция Подписка
Погода в Якутске: . -11 oC

Бүгүҥҥү саҥа нүөмэр Ил Түмэн дэлэгээссийэтэ Белоруссияҕа оробуочай сырыытыгар, аһаҕас былаас сокуон барылын ырытыытыгар, РФ Конституциятын, киһи быраабын күннэригэр, о.д.а. ананна.

Бүгүҥҥү саҥа нүөмэр Ил Түмэн дэлэгээссийэтэ Белоруссияҕа оробуочай сырыытыгар, аһаҕас былаас сокуон барылын ырытыытыгар, РФ Конституциятын, киһи быраабын күннэригэр, о.д.а. ананна.

Парламент сонуннарыттан,  «Биир ньыгыл Арассыыйа» тэриллибитэ 20 сылыгар анаммыт баартыйа ХХ сийиэһигэр Ил Түмэн бэрэссэдээтэлин солбуйааччы Антонина Григорьева сырыыта сырдатылынна.  Санкт-Петербург куоракка «Аартыка: билигин уонна кэлэр кэмҥэ» диэн норуоттар икки ардыларынааҕы XI форумун чэрчитинэн, үс күннээх Ил Түмэн дьокутааттара Саха сирин тыын кыһалҕаларын этиниилэрэ, туруорсуулара, хоротуулаах үлэлэрэ сурулунна. 

Итини таһынан,  ахсынньы 7 күнүгэр «Саха-медиа» пресс-киинигэр Арассыыйа Федерациятын сенатора Егор Борисов суруналыыстары кытары көрсөн, үлэтин-хамнаһын билиһиннэритин туһунан матырыйаала таҕыста. Ону сэргэ, киһи быраабын күнүгэр сыһыаран, үлэҕэ-хамнаска туох кыһалҕалар баал­ларын, пандемия усулуобуйатыгар үлэ хаамыытын уонна дьиэ кэргэн иһигэр сиэрэ суох быһыыны-майгыны күөмчүлүүр тэрээһиннэр тустарынан СӨ киһи быраабыгар боломуочуйалааҕа Сардаана Гурьева­лыын кэпсэтии бэчээттэннэ.

Саҥа нүөмэргэ Ил Түмэн судаарыстыбаннай тутулга уонна олохтоох салайыныыга сис кэмитиэтин бэрэссэдээтэлэ Владимир Прокопьев аһаҕас былаас диэн тугун, итиэннэ саҥа сокуон барылыгар киирбит көннөрүүлэр тустарынан кэпсээтэ. Ил Түмэн саамай эдэр дьокутаата, норуот итэҕэллээҕэ бэйэтин санааларын кытта атастаста. Ил Түмэн дэлэгээссийэтэ Белоруссияҕа оробуочай сырыыта икки балаһанан таҕыста.

Ил Түмэн мунньахтыыр саалатыгар «Предтеча» диэн дьоһун кинигэ, «Национальная интеллигенция и становление государственности народов Якутии» диэн сиэрийэнэн үһүс таһаарыы биһирэмэ буолбута ахтылынна.  СӨ култууратын туйгуна, үлэ бэтэрээнэ, «Таатта саарыта» иистэнньэҥнэр түмсүүлэрин салайааччыта Изабелла Элякова «Ааллаах Үүн таһаҕасчыттарын таҥаһа» диэн ааптарыскай бырайыагынан 15 сыл устата үлэлээн, араас сиртэн күүс-билии ылан, иистэнньэҥ бөҕөтүн биир сиргэ түмэн, Саха АССР 100 сыллаах үбүлүөйүн көрсө, кэллиэксийэтин көрдөрбүтүн, дьон биһирэбилигэр таһаарбытын туһунан кэпсээтибит.

1993 сыл ахсынньы 12 күнүгэр Арассыыйа Конституцията норуот куоластааһынынан ылыныллыбыта. Ахсынньы 12 күнэ – РФ Конституциятын күнэ бэлиэтэнэр. Бу бэлиэ күнү көрсө, юрист-конституционалист идэлээх Нарыйа Иванованы кытта кэпсэттибит. Софья Александрова Дьокуускайга уонна төрөөбүт-үөскээбит Амматыгар доруо­буйа харыстабылын эйгэтигэр өр сылларга үлэлээбит, элбэҕи ситиспит инфекционист бырааска анал балаһа ананна. Уус Алдан улууһун «Мүрү-Ас» диэн саҥа ТХПК тэриллибитин, үлэтин-хамнаһын ТХПК дириэктэрэ Владимир Викторович Колесов кэпсээтэ. 

Дьон үксэ оскуола кэнниттэн ылбыт идэтинэн сааһын тухары үлэлээн, биэнсийэҕэ тахсар аналлаах. Оттон бүгүн суруналыыс Анисия Иевлева сэһэргэһэр урбаан рубрикаҕа киһитэ Сергей Троев 20 сыл суоппардаан баран, эмискэ ресторатор буолбутун туһунан сурулунна.

.


Ытыктабыллаах Сахабыт сирин олохтоохторо!

Ахсынньы 6 күнүттэн саҕаламмыт чэпчэтиилээх сурутууну куоттарымаҥ. Бүтүн Арассыыйатааҕы чэпчэтиилээх сурутуу декадата  10 күн устата барыаҕа. Кылгас болдьох иһигэр 30%-наах чэпчэтиилээх «Ил Түмэн» хаһыаты суруттаран ылыҥ.

Онлайн судургутук суруттарарга podpiska.pochta.ru саайтка киирэн парламент хаһыаты талаҕыт, сурутар болдьоҕун баттыыгыт, хаһыат тиксэрэр аадырыһын, ааккытын суруйаҕыт уонна  баан каартатынан онлайн төлүүгүт.

Хаһыат саамай тирээн турар суолталаах уонна сытыы кыһалҕалары иһитиннэрэр. Биһигини кытта бииргэ буолуҥ. Дойду уонна  өрөспүүбүлүкэ сүрүн сонуннарын истэ-билэ сылдьыҥ!

podpiska.pochta.ru 

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23