Эҕэрдэлэһэ, эйэргии көрсөр үүммүт күммүт оргууй - оргууй сыҕарытан, сэрэнэн - сэрэнэн сэгэтэн бэҕэһээҥҥини хаалларан, бүгүҥҥүнү көрсөн ааммытын аста, киирэн кэллэ. Аргыстаһан кэлбит амарах санаата, аламаҕай майгыта, илии илииттэн тутуспут иһирэх истиҥ санаата ил эйэ ичигэс тыына, тарбах тарбахтан тардыспыт талба санаата тоҥтон толлубат, тымныыттан тостубат, тумаҥҥа муммат, тумарыктыын туруулаһар турукка киллэрдэ, күүстээх санаанан күндүлээтэ, харса суох санаанан хатаҕалаата, уйгулаах санааны олохсутта.
Эҕэрдэлэһэ, эйэргии көрсөр үүммүт күммүт оргууй - оргууй сыҕарытан, сэрэнэн - сэрэнэн сэгэтэн бэҕэһээҥҥини хаалларан, бүгүҥҥүнү көрсөн ааммытын аста, киирэн кэллэ. Аргыстаһан кэлбит амарах санаата, аламаҕай майгыта, илии илииттэн тутуспут иһирэх истиҥ санаата ил эйэ ичигэс тыына, тарбах тарбахтан тардыспыт талба санаата тоҥтон толлубат, тымныыттан тостубат, тумаҥҥа муммат, тумарыктыын туруулаһар турукка киллэрдэ, күүстээх санаанан күндүлээтэ, харса суох санаанан хатаҕалаата, уйгулаах санааны олохсутта.
Тохтоло суох айанныыр дьыл-кэм хардыыта, сылааны билбэт сырыылаах кэм кэрдии кээмэйэ улук түүнү уларытар, улаҕа диэки анньар, кэтэҕириин диэки сыҕарытар. Бэттэх көрөн мичик аллайан киирэн кэлбит саҥа күн сүрэҕи үөрдэр, сүргэни көтөҕөр. Бүгүҥҥү бүтэй маҥан күммүт муммуту-тэммити муҥкук санааттан, кэтэмэҕэйдээбити, саарбахтаабыты кэрбиир санааттан босхолоотун. Күндүттэн күндү төрөөбүт тылбыт, төлкөлөөх төрүт үгэспит сөллүбэт санаалаатын, ууну-уоту ааһар уолуйбат майгылаатын. Угаайыга, саарбахха киирэн биэрбэттии бэйэҕэ эрэллээх, сүбэ-соргу буолар доҕоттордоох, көмө-тирэх буолар аймахтардаах, аламаҕай атастардаах буолуохха.
0
1
0
0
0
1
